ភ្នំពេញ៖ ជនសង្ស័យ៣នាក់ត្រូវកំលាំងល្បាតប៉ុស្តិ៍ទំនប់ទឹកល្បាតដល់ចំណុចខាងមុខពេទ្យរុស្ស៊ីមានការសង្ស័យជន៣នាក់ ក៏ធ្វើការត្រួតពិនិត្យឃើញថ្នាំញៀន១កញ្ចប់តូច។
ហេតុការណ៍នេះកើតឡើងកាលពីវេលាម៉ោង៣ទៀបភ្លឺឈានចូលថ្ងៃទី៨ ខែតុលា ឆ្នាំ២០១៧ នៅចំណុចខាងមុខពេទ្យរុស្ស៊ី តាមបណ្ដោយផ្លូវលេខ២៧១ សង្កាត់ទំនប់ទឹក ខណ្ឌចំការមន រាជធានីភ្នំពេញ។ ជនសង្ស័យ៣នាក់មានឈ្មោះដូចខាងក្រោម ៖
១-ឈ្មោះ ចាន់ រដ្ឋានី ភេទ ប្រុស កើតនៅឆ្នាំ១៩៨៨ មុខរបរ បិទតែមម៉ូតូ នៅផ្លូវសុកហុក ទីលំនៅផ្ទះជួល ភូមិត្មោតជ្រុំ ផ្លូវលំ សង្កាត់បឹងទំពុន ខណ្ឌមានជ័យ ។ ២-ឈ្មោះ ចាន់ រដ្ឋារ៉ា ភេទ
ប្រុស កើតនៅឆ្នាំ១៩៩៧ មានទីលំនៅនិងមុខរបរ ដូចគ្នា(បងប្អូន
បង្កើត ) ។ ៣-ឈ្មោះ ម៉ៅ លីដា ភេទប្រុស កើតនៅឆ្នាំ១៩៩៣ មុរបរ រត់កង់បី ផ្ទះជួល៤៦៩ ផ្លូវ៨៩BT បូរី៩៩សង្កាត់បឹងទំពុន ខណ្ឌមានជ័យ ។
សមត្ថកិច្ចដកហូតសំភារៈរួមមាន៖ ម៉ូតូកង់បី១គ្រឿង ។ ក្រោយពីសមត្ថកិច្ចឃាត់ខ្លួនជនសង្ស័យ៣នាក់ខាងលើ ពួកគេបានសារភាពថាពួកតំម្លៃ១០ម៉ឺនរៀល ទិញពីម្តុំផ្លូវ ៦០ម៉ែត្រ សង្កាត់ចាក់ង្រែលើ។

បច្ចុប្បន្នជនសង្ស័យរួម និង ម៉ូតូត្រូវបានកម្លាំងសមត្ថកិច្ចប៉ុស្តិ៍ទំនប់ទឹក នាំមកឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌចំការមនដើម្បីចាត់ការតាមនីតិវិធី៕

ដោយ៖ ស រស្មី