ភ្នំពេញ ៖ យុវជនម្នាក់ផឹកABCអស់ប្រាំបីកំប៉ុងចូលខ្លួនក្លាហានយកសាំងចាក់ដុតផ្ទះអ្នកជិតខាងបណ្តាលអោយភ្ញាក់ផ្តើលដល់សមត្ថកិច្ចរត់ជាន់ជើងគ្នាទាំងកណ្តាលអាធ្រាតចុះអន្តរាគមន៍។

ហេតុកាលនេះបានកើតឡើងកាលពីវេលាម៉ោង២៣និង៤៦នាទីថ្ងៃទី៨ ខែតុលា ឆ្នាំ២០១៧ ស្ថិតនៅផ្ទះលេខ​២២០អឺ3ផ្លូវ២១៧ភូមិ៥ សង្កាត់អូរឬស្សី២ខណ្ឌ៧មករា។ សមត្ថកិច្ចបានអោយដឹងថាម្ចាស់ផ្ទះឈ្មោះ លឹម សាយគៀង ភេទស្រី អាយុ២២ឆ្នាំ មុខរបរលក់ដូរ។ចំណែកជនបង្កឈ្នោះ យ៉ាង ចាន់សុប៉ា ភេទប្រុស អាយុ​៣០ឆ្នាំ ស្នាក់នៅផ្ទះលេខ២១៨អឺសេរ៉ូស៊េតផ្លូវ២១៧ភូមិ៦សង្កាត់អូរឬស្សី២ខណ្ឌ៧មករា។

សមត្ថកិច្ចបានបន្តទៀតថា មុនកើតហេតុជនបង្ករបានទិញ ABCចំនួនប្រាំបីកំប៉ុងអង្គុយផឹកក្បែរផ្ទះរបស់ខ្លួនតែម្នាក់ឯង ក្រោយពីផឹកអស់ជនបង្ករូបនេះបានទៅយកដបទឹកសុទ្ធទៅបូបសាំងចេញពីម៉ូតូរបស់ខ្លួនម៉ាក គុបជ្រុងពណ៌ទឹកប៉ិចពាក់ស្លាក់លេខភ្នំពេញ1U 8686រួចឡើងទៅជាន់ទី៣ផ្ទះកើតហេតុចាក់សាំងដុតបណ្តាលអោយឆាបឆេះផ្តើលដល់អ្នកជិតខាងនិងសមត្ថកិច្ចមូលដ្ឋានរត់ខ្វែងដៃខ្វែងជើងចុះអន្តរាគមន៍ ទាន់ពេលមិនបណ្តាលអោយខូចខាតទ្រព្យសម្បត្តិនិងរាលដាលដល់ផ្ទះអ្នកជិតខសាង។បន្ទាប់មកជនបង្ករបានជិះម៉ូតូរត់គេចខ្លួនហើយត្រូវកម្លាំងសមត្ថកិច្ចនគរបាលខណ្ឌ៧មករាដេញតាមឃាត់ខ្លួនបាននៅចំនុចមុខភោជនីយដ្ឋានលីឡាយផ្លូវកម្ពជាក្រោមសង្កាត់មិត្តភាពដើម្បីសាកសួរ។

បច្ចុប្បន្នជនបង្ករត្រូវបានសមត្ថកិច្ចខណ្ឌ៧មរាកសាងសំណុំរឿងបញ្ជូនទៅតុលាការ ៕ ស សម