ខេត្តពោធិ៍សាត់ ៖ បុរស៣នាក់បានរងរបួសធ្ងន់ទៀតហើយ ដោយគ្រោះថ្នាក់ចរាចរណ៍ ជិះម៉ូតូបុកគ្នា ក្នុងទិសដៅបញ្ច្រាសទិសគ្នា នៅលើកំណាត់ផ្លូវជាតិលេខ៥។

ហេតុការណ៍ខាងលើនេះបានកើតឡើងកាលពីវេលាម៉ោង៧ និង៣០នាទីយប់ ថ្ងៃទី៩ ខែតុលា ឆ្នាំ២០១៧ នៅលើកំណាត់ផ្លូវជាតិលេខ៥ ត្រង់ចន្លោះបង្គោលគីឡូម៉ែត្រលេខ ១៨៦-១៨៧ ស្ថិតក្នុងពាលញែក ១ សង្កាត់ផ្ទះព្រៃ ក្រុង-ខេត្តពោធិ៍សាត់។

ប្រភពព័ត៌មានពីផ្នែកសណ្ដាប់ធ្នាប់នៃអធិការដ្ឋាននគរបាលក្រុងពោធិ៍សាត់ឲ្យដឹងថា មុនដំបូងគេឃើញបុរសម្នាក់ឈ្មោះ ពៅ សភា ភេទប្រុស អាយុ ៦៣ឆ្នាំ តែគេមិនបានបញ្ជាក់អំពីអាស័យឋានទេបាទ ហើយគាត់បាន(របួសក្បាលធ្ងន់) ខណៈដែលគាត់បានធ្វើដំដោយម៉ូតូ ១គ្រឿងម៉ាក ហុងដាឌ្រីម ពណ៌ខ្មៅ ពាក់ស្លាកលេខ ONG 28.1.0779 ហើយបានធ្វើចរាចរណ៍ក្នុងទិសដៅពីលិចឆ្ពោះទៅទិសខាងកើត និងបានបទឆ្វេងដៃ គ្រានោះក៍មានអ្នកជិះម៉ូតូ ១គ្រឿងទៀតម៉ាក ហុងដាវ៉េវ ពណ៌ខ្មៅ គ្មានស្លាកលេខ មកបុកពេញទំហឹងតែម្តងបណ្ដាលឲ្យអ្នកបើកបរឈ្មោះ កង រិទ្ធិ ភេទប្រុស អាយុ ២៧ឆ្នាំ ជនជាតិខ្មែរ រស់នៅភូមិកំពែងស្វាយ ឃុំស្នាមព្រះ ស្រុកបាកាន(របួសក្បាលធ្ងន់) និងអ្នករួមដំណើរម្នាក់ឈ្មោះ ស៊ុន សល់ ភេទប្រុស អាយុ ៣៨ឆ្នាំ ជនជាតិខ្មែរ រស់នៅភូមិអន្លង់មាន ឃុំស្នាមព្រះ ស្រុកបាកាន ខេត្តពោធិ៍សាត់បាន រងរបួស(ធ្នង់)គួរសមដែរ។

ប្រភពព័ត៌មានដដែលខាងលើបន្តទៀតថា ភ្លាមៗនោះជនរងរបួសត្រូវបានគេជួយដឹកយកទៅសង្រ្គោះបន្ទាន់នៅមន្ទីរពេទ្យបង្អែកខេត្តពោធិ៍សាត់ ចំណែកវត្ថុតាងម៉ូតូទាំងពីគ្រឿងត្រូវបានសមត្តកិច្ចរក្សាទុកជាបណ្ណោះអាសន្ន នៅអធិការដ្ឋាននគរបាលក្រុងពោធិ៍សាត់ រងចាំធ្វើការដោះស្រាយគ្នាតាមផ្លូវច្បាប់ជាក្រោយ៕