ភ្នំពេញ៖ នគរបាលប៉ុស្តិ៍រដ្ឋបាលទឹកថ្លា ឃាត់ខ្លួនយុវជន៣នាក់ ខណះពួកគេជិះម៉ូតូខុសបច្ចេកទេស(ភ្លើងឡាស៊ែ)ហើយថែមទាំងមានផ្ទុកនូវសារធាតុញៀននៅក្នុងខ្លួនទៀត ។
ការឃាត់ខ្លួនយុវជនទាំង៣នាក់ខាងលើនេះនៅវេលាម៉ោង១១និង៣០នាទីយប់ថ្ងៃទី៩ខេតុលាឆ្នាំ២០១៧នៅតាមបណ្តោយផ្លូវ១០១៩(ភ្នំពេញហាណូយ)ភូមិចុងថ្នល់ខាងលិខសង្កាត់ទឹកថ្លាខណ្តសែនសុខ។
ប៉ូលីសនិយាយថា៖ យុវជនទាំង៣នាក់នេះ១/ឈ្មោះ ភាព ចៃ អាយុ២៤ឆ្នាំមុខរបរកម្មកសំណង់ ស្នាក់នៅក្នុងការដ្ឋានសំណង់ ភូមិវាលស្បូវ សង្កាត់នរោធ ខណ្ឌមានជ័យ។២/ឈ្មោះ នើន ភាន់ណូ អាយុ២១ឆ្នាំមុខរបរមិនពិតប្រាកដ ស្នាក់នៅបន្ទប់ជួលផ្លូវលំ ភូមិទួលពង្រ សង្កាត់ចោមចៅ ខណ្ឌពោធិ៍សែន័យ។និងទី៣/ឈ្មោះ អឿ លិរី អាយុ២០ឆ្នាំមុខរបរជាងផ្សារដែកស្នាក់នៅផ្ទះលេខ១៤២ផ្លូវ២៧១ភូមិ១សង្កាត់បឹងសាឡាង ខណ្ឌទួលគោក។
ប៉ូលីសនិយាយទៀតថា៖ យុវជនទាំង៣នាក់នេះជាប់ពាក់ព័ន្ធនិងករណីប្រើប្រាស់នូវសារធាតុញៀនខុសច្បាប់ក្រោយពីពិនិត្យទឹកនោមរួច។ប្រភពដដែលបន្តថាមុននិងឃាត់ខ្លួនពួកគេទាំង៣នាក់ខាងលើគឺកម្លាំងសមត្ថកិច្ចបានធ្វើការល្បាតក្នុងមូលដ្ឋានដើម្បីទប់ស្កាត់រាល់បទល្មើសផ្សេងៗលុះមកដល់ចំណុចខាងលើក៍ឃើញអ្នកទាំង៣ជិះម៉ូតូ១គ្រឿងម៉ាក MSX ព័ណសសេរីឆ្នាំ២០១៥ពាក់ស្លាកលេខ ភ្នំពេញ១CS៣៤៥៩គួអោយសង្សយក៍ហៅអោយឈប់នឹងនាំពួកគេមកកាន់ប៉ុស្តិ៍ទឹកថ្លាធ្វើតេសក្នុងទឹកនោមឃើញថាពួកគេមានផ្ទុកនូវសារធាតុញៀនទាំង៣នាក់ហើយក៍ឃាត់ខ្លួនបញ្ជួនទៅអធិការដ្ឋាននគរបាលខណ្ឌសែនសុខដើម្បីចាត់ការបន្ត៕ ដោយ៖ តុង សីហា
