ភ្នំពេញ៖ ចោរញីឈ្មោលចំនួន២នាក់តែងធ្វើសកម្មភាពលួចប្លន់យ៉ាងសកម្មក្នុងរាជធានីភ្នំពេញ ត្រូវបានកម្លាំងនគរបាល ប៉ុស្តិ៍ ស្រះចកធ្វើការឃាត់ខ្លួន បន្ទាប់ពីធ្វើការស្រាវជ្រាវយ៉ាងយកចិត្តទុកដាក់ កាលពីថ្ងៃទី១៦ ខែតុលា ឆ្នាំ២០១៥ វេលាម៉ោង១ និង៣៥នាទីនៅចំណុច ផ្លូវR- 5 កែងនិងផ្លូវលេខ70 ស្ថិតក្នុងសង្កាត់ស្រះចក ខណ្ឌដូនពេញ ។
តាមសមត្ថកិច្ចបានអោយដឹងថា ដោយមានការចូលរួមសហការណ៍ ពីកម្លាំងនគរបាលផ្នែក យុត្តិធម៍ និងកម្លាំងមូលដ្ឋានប៉ុស្តិ៍ស្រះចក គឺបានឃាត់ខ្លួនបានជនសង្ស័យចំនួន២នាក់ ដែលជាមុខសញ្ញាដែលតែងតែធ្វើសកម្មភាព លួច ឆក់ ប្លន់ជាដើម តែងបង្កភាពចលាចលក្នុងរាជធានី និងបន្ទាប់ពីទទួលបានពាក្យបណ្តឹងរបស់ជនរងគ្រោះ ទើបឈានដល់ការស្រាវជ្រាវកំណត់មុខសញ្ញាឃាត់ខ្លួនជនសង្ស័យបាន២នាក់តែម្តង ។
សមត្ថកិច្ចបានបន្តថា ជនសង្ស័យដែលឃាត់ខ្លួនបាននោះ ទី១ឈ្មោះ ពិន ភ័ក្រ ហៅតុល ភេទស្រី អាយុ៣០ឆ្នាំស្នាក់នៅផ្ទះជួល ផ្លូវរថភ្លើង សង្កាត់ទួលសង្កែ ខណ្ឌឬស្សីកែវ ទី២ឈ្មោះ អៀង ជា ហៅទិត្យ ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅផ្ទះជួលជាមួយគ្នា ចំណែកជនរងគ្រោះ ឈ្មោះ តន់ ម៉េងហួរ ភេទប្រុស អាយុ២៦ឆ្នាំ មុខរបរបើកបរ ស្នាក់នៅផ្ទះ លេខ២០Go ផ្លូវលេខ១៧២ សង្កាត់ជ័យជំនះ ខណ្ឌដូនពេញ ។
គួរបញ្ជាក់ដែរថា កាលពីថ្ងៃទី១២ ខែកញ្ញា ឆ្នាំ២០១៥ ជនរងគ្រោះ ២នាក់មិត្តភក័្របានចេញមកពីស៊ីផឹក នៅម្តុំស្ពាន ជ្រោយចង្វា បន្ទាប់មកក៏បានដឹកមិត្តភ័ក្រត្រឡប់ទៅផ្ទះនៅម្តុំផ្លូវរថភ្លើង បន្ទាប់មក ក៏ស្រាប់តែមានជនសង្ស័យម្នាក់ចេញមកសួរថា ត្រូវការស្រីទេ រួចក៏ឡើងជិះលើម៉ួតូជនរងគ្រោះ បន្លំលូកយកកាបូបលុយ ហើយចុះពីលើម៉ូតូ ភ្លាមនោះជនរងគ្រោះបានទុកម៉ូតូចោលរត់ដេញតាម ដោយឃើញឪកាសល្អ បក្សពួកជនសង្ស័យម្នាក់ទៀតបានឡើងជិះម៉ូតូជនរងគ្រោះគេចខ្លួនបាត់អស់ សម្ភារៈដែលបាត់បង់រួមមាន កាបូបលុយចំនួន១ មានលុយ ចំនួន២២០ដុល្លា និងម៉ូតូម៉ាក ស្គូបពី ពណ៍ស លាយខៀវ ពាក់ស្លាកលេខ ភ្នំពេញ 1-WC-8945 មួយគ្រឿង ។
បច្ចុប្បន្ន ជនសង្ស័យទាំង២នាក់កំពុងក៏សាងសំណុំរឿងបញ្ជូនទៅអធិការដ្ឋាននគរបានខណ្ឌដូនពេញដើម្បីចាត់ការបន្ត ៕
ដោយ៖ ព្រែកជ័យ
