ប្រព័ន្ធផ្សព្វផ្សាយថៃនៅថ្ងៃទី១២ខែតុលានេះបានផ្សាយថា តាមការបញ្ជាក់ពីកម្លាំងប៉ូលិសថៃ ប៉ូលិសអន្តរជាតិអាំងទែរប៉ូល មិនទាន់ប្រកាសឲ្យដឹង ពីការស្វែងរកលោកស្រីយីងឡាក់ ស៊ីណាវ៉ាត្រានៅឡើយ។
ប៉ូលិសអាំងទែប៉ូលបានស្នើរដល់រដ្ឋាភិបាលថៃ បញ្ជូនឯកសាបន្ថែម និងភស្តតាង បញ្ជាក់ពីទោសកំហុសរបស់លោកស្រី មុនពេល ប៉ូលិសអន្តរជាតិ សម្រេចថាត្រូវចាប់ខ្លួន លោកស្រីយីងឡាក់ដែរឬទេ។
ការប្រកាស ពណ៌ខៀ របស់អាំងទែប៉ូលមានន័យថា ស្ថាប័ននេះបានស្នើរឲ្យ ប្រទេសជាសមាជិក ប្រមុលព័ត៌មានស្តីពីកន្លែងរស់នៅរបស់លោកស្រីយីងឡាក់ ក៏ដូចជាសកម្មភាពផ្ទាល់ខ្លួន ផ្សេងៗ ពាក់ព័ន្ធនិងបទល្មើស។ នៅពេលដែលសេចក្តីប្រកាស់ពណ៌ខៀវ គឺប្រទេសជាសមាជិក ប្រមូលព័ត៌មានស្តីពីលោកស្រី ក្រោយមករដ្ឋាភីបាលថៃអាចស្នើរឲ្យចេញសេចក្តីប្រកាសពណ៌ក្រហម គឺតាមចាប់ខ្លួនតែម្តង។
ស្នងការង ប៉ូលិសថៃ លោក Krisana Pattanacharoen បានបញ្ចាក់ថា នៅពេលនេះ យើងមានតែរងចាំប៉ុណ្ណោះ។
លោកស្រីយីងឡាក់ត្រូវបានកាត់ទោស ជាប់ពន្ធនាគា ៥ឆ្នាំពិបទ ធ្វេសប្រហែស នៅក្នុងកម្មវិធីជំនួយតម្លៃទិញស្រូវអង្ករ ធ្វើឲ្យរដ្ឋ ខាត់បង់រាប់ពាន់លានដុល្លារ ។ នៅពេលនេះលោកស្រីបានភៀសខ្លួនទៅរស់នៅក្រៅប្រទេសគេចពីការជាប់ឃុំ ។ នៅពេលនេះមិនទាន់ដឹងប្រាកដថាលោកស្រី និងរស់នៅប្រទេសណានោះឡើយ ដោយខ្លះថារស់នៅ អារ៉ារួមខ្លះទៀត ថាលោកស្រីកំពុងសុំភៀសខ្លួននៅក្នុងប្រទេសអង់គ្លេស៕
ដោយ៖ មែវ សាធី
