ក្រោយការដាក់បញ្ចូល តំបន់គ្រីមៀ ចូលក្នុងការគ្រប់គ្រោងរបស់រុស្ស៊ី តាមការចង់បានរបស់ពលរដ្ឋនៅក្នុងតំបន់ ពេលនេះរដ្ឋាភិបាលរុស្ស៊ីកាន់តែធ្វើឲ្យច្បាស់តាមរយៈ ការដាក់រូបភាពគ្រីមៀនៅក្នុងក្រដាសប្រាក់ ២០០រូបពីកាលពីថ្ងៃទី១២ខែតុលា
ក្រដាសប្រាក់២០០រូបីមានតម្លៃ (ប្រមាណ៣,៥ដុល្លារអាមេរិក) មានពណ៌បៃទង ខ្ចីដោយមានរូបផែនទីតំបន់គ្រីមៀ និងស្តូបតំណាងកម្លាំងទាហានជើងទឹកនៅទីក្រុង Sevastopol ជាទីកន្លែងដែលកម្លាំងទាហានជើងទឹករុស្ស៊ីឈរជើង ។ រូបភាពផ្សេងទៀតនៅក្នុងក្រដាសប្រាក់គឺជាតំណាងនៃប្រទេសរុស្ស៊ី។
ក្រៅពីក្រដាសប្រាក់ ២០០រូបពីចេញថ្មី រុស្ស៊ីក៏បាន ចេញ ក្រដាសប្រាក់២០០០រូបី (ស្មើ៣៤,៧ដុល្លារអាមេរិក) ដោយមានរូប អាវកាសរុស្ស៊ី ។ ចាប់តាំងពីឆ្នាំ២០០៦មកទល់ពេលនេះ រុស្ស៊ីទើបតែបានចេញប្រាក់ថ្មី មានតម្លៃខ្ពស់ ក្នុងគោលដៅជួយដល់ការធ្វើចរាចរណ៍ប្រាកសុទ្ធបានឆាប់រហ័ស។
សារព័ត៌មាន Moscow times បានដកស្រង់សម្តី អគ្គនាយក ធានាគា ជាតិរុស្ស៊ីលោកស្រី Elvira Nabiullina បញ្ជាក់ថា ពលរដ្ឋរុស្ស៊ីជាអ្នកជ្រើសរើសយក រូបភាព ខាងលើ មកដាក់លើក្រដាក់ប្រាក់ថ្មី ។ តាមគម្រោង រូបភាពថ្មីនេះនឹងត្រូវដាក់ឲ្យប្រើប្រាស់នៅទូទាំងប្រទេសនិងនៅក្នុងតំបន់ គ្រីមៀផងដែរ។
ជាមួយនិងក្រដាស់ប្រាក់ថ្មី តំបន់គ្រីមៀ ត្រូវបានរុស្ស៊ីចាត់ទុកតំបន់នោះជារបស់រុស្ស៊ីមិនអាចប្រកែកបាន ។ ពលរដ្ឋគ្រីមៀ និងមានក្រដាស់ប្រាក់ថ្មីដែលមានរូបតំណាង តំបន់របស់ខ្លួន គឺជាមោទនភាព បំផុត។ ចំណុចទាំងបានបង្ហាញយ៉ាងច្បាស់ថា រុស្ស៊ីចង់ឲ្យពិភពលោកមើលឃើញថា តំបន់គ្រីមៀ មិនអាច ឃ្លាតចេញពីរុស្ស៊ីនោះឡើយ៕
ដោយ៖ មែវ សាធី
