ខេត្ដព្រះសីហនុ៖ អក្សរសាស្ដ្រខ្មែរ ជាដួងព្រលឹងជាតិរបស់ខ្មែរ ប៉ុន្ដែនៅ ពេលបច្ចុប្បន្ននេះនៅលើស្លាកយីហោមួយចំនួនក្នុងទីក្រុងទេសចរណ៍ខេត្ដព្រះសីហនុស្ទើរតែបាត់ដែលបង្កឱ្យមតិមហាជន មួយចំនួនរិះគន់យ៉ាងចាស់ដៃទៅលើមន្ទីរ វប្បមធ៌ខេត្ដថា ពុំបានយកចិត្ដទុកដាក់ អំពីអត្ដសញ្ញាណជាតិបណ្ដោយឱ្យម្ចាស់ ក្រុមហ៊ុនម្ចាស់អាជីវករមួយចំនួនធ្វើអ្វីតាមទំនើងចិត្ដពុំបានគោរពច្បាប់រដ្ឋ ធម្មនុញ្ញនៃព្រះរាជាណាចក្រកម្ពុជា ។
អ្នករស់នៅក្រុងព្រះសីហនុ ក៏ដូច ជាភ្ញៀវទេសចរដែលបានមកកម្សាន្ដ នារដូវភ្ជុំបិណ្ឌនាពេលកន្លងទៅនេះបាន សម្ដែងទស្សនៈថាអាជ្ញាធរខេត្ដ និងមន្ដ្រី ជំនាញ មន្ទីរវប្បធម៌ខេត្ដ មិនគួរណា មើលរំលងអំពីអត្ដសញ្ញាណខ្មែរជុំវិញ ការតាំងស្លាកយីហោដោយពុំមានអក្សរខ្មែរនោះទេ ។
ប្រភពរិះគន់បានបន្ដទៀតថា នៅ លើស្លាកយីហោរក្នុងក្រុងទេសចរណ៍ វប្បធម៌ធម្មជាតិជាច្រើនៅតាមដងផ្លូវសំខាន់ៗក្នុងក្រុងគេសង្កេតឃើញថាពុំ មានសរសេរអក្សរខ្មែរ សូម្បីតែមួយតួ ដែលជាទង្វើផ្ទុយទៅនឹងច្បាប់រដ្ឋធម្មនុញ្ញ បានកំណត់ឡើងដោយស្ថាប័នកំពូលៗនៃ ព្រះរាជាណាចក្រកម្ពុជាដែលបានចែង យ៉ាងច្បាស់ថា គ្រប់ស្លាកយីហោរបស់ ក្រុមហ៊ុន ពាណិជ្ជករ អាជីវករ អង្គការ ក្រៅរដ្ឋាភិបាលនានាដែលកំពុងប្រតិបត្ដិការនៅក្នុងព្រះរាជាណាចក្រកម្ពុជា ចាំបាច់ត្រូវតែសរសេរអក្សរជាតិ(អក្សរខ្មែរ) នៅផ្នែកខាងលើស្លាកទាំងនោះ ជាកំហិត បើពុំនោះទេត្រូវទទួលខុសត្រូវ តាមផ្លូវច្បាប់ដែលបានកំណត់ ។
ក្នុងនាមពួកគាត់ជាកូនខ្មែរអំពាវនាវយ៉ាងទទូចដល់ស្ថានប័នពាក់ព័ន្ធនានា ជាពិសេសមន្ទីរ និង ក្រសួងវប្បធម៌ ក៏ដូច ជាថ្នាក់ដឹកនាំជាន់ខ្ពស់ក្នុងជួររដ្ឋាភិបាល សូមមេត្ដាត្រួតពិនិត្យឡើងវិញអំពីអត្ដសញ្ញាណខ្មែរពាក់ព័ន្ធទៅនឹងស្លាកយីហោនេះ ។** បើពុំនោះទេអត្ដសញ្ញាណអក្សរ សាស្ដ្រខ្មែរនឹងត្រូវបាត់បង់បន្ដិចៗម្ដង ជាក់ជាពុំខាន ។
ជុំវិញការរិះគន់ទាំងនេះលោក ដេតណូ ប្រធានមន្ទីរវប្បធម៌ និងវិចិត្រសិល្បៈខេត្ដ ព្រះសីហនុបានគូសបញ្ជាក់ថា ចំពោះ បញ្ហាទាំងនេះខាងមន្ទីរជំនាញរបស់លោក កំពុងតែដុតដៃដុតជើងធ្វើជំរឿន ដោយ បានណែនាំពួកគាត់ (ម្ចាស់ក្រុមហ៊ុន ម្ចាស់អាជីវករ អង្គការក្រៅរដ្ឋាភិបាល នានា)ឱ្យកែប្រែស្លាកយីហោ ដែលពុំ មានអក្សរសាស្ដ្រជាតិឱ្យមកដាក់អក្សរសាស្ដ្រជាតិនៅផ្នែកខាងលើវិញ ដោយ ទុកពេលចាប់ពី១ខែ ទៅ២ខែ បើពុំនោះ ទេ មន្ដ្រីជំនាញនឹងចាត់ការទៅតាម ផ្លូវច្បាប់ ៕
ដោយ៖ ឆ្លាមសមុទ្រ
