ភ្នំពេញ៖ អ្នកជំនាញផ្នែកកីឡា មកពីមជ្ឈមណ្ឌលវេជ្ជសាស្ត្រកីឡារបស់ប្រទេសម៉ាឡេស៊ី បាននាំយក ឯកសារគោលសំខាន់ៗចំនួន៣ និងឯកសារអមចំនួន៣ផ្សេងទៀត សម្រាប់ពន្យល់ ដល់សិក្ខាកាមទាំង ២៥រូប ជាគ្រូបង្វឹកឬក៏តំណាងសហព័ន្ធកីឡាជាតិនីមួយៗនៅប្រទេសកម្ពុជា បានសិក្សាឈ្វេងយល់ អំពីការជ្រើសរើសអត្តពលិក វ័យក្មេងយកទៅអភិវឌ្ឍ ឆ្ពោះទៅឆ្នាំ២០២៣ ដែលកម្ពុជាធ្វើម្ចាសផ្ទះ រៀបចំព្រឹត្តិការណ៍ប្រកួតកីឡាស៊ីហ្គេមលើកទី៣២ ដើម្បីដណ្តើមយកមេដាយ ជូនប្រទេសជាតិ របស់ខ្លួន។
លោក ស្តើង ជា វេជ្ជបណ្ឌិតអមគណៈកម្មាធិការជាតិអូឡាំពិកកម្ពុជា និងជាប្រធានគ្រប់គ្រង វគ្គ មានប្រសាសន៍ថា វគ្គសិក្សាស្តីពីការអភិវឌ្ឍអត្តពលិកវ័យក្មេង ពិតជាមានសារប្រយោជន៍សំខាន់ ខ្លាំងណាស់ ពីព្រោះថា វាជាទុនមួយសម្រាប់ ឲ្យគ្រូកីឡាទាំងអស់ឈ្វេងយល់ បានកាន់តែច្បាស់។
លោក ស្តើង ជា មានប្រសាសន៍បន្តថាវគ្គសិក្សានេះ បានផ្តោតទៅលើឯកសារគោលធំចំនួន ៣ និងមានឯកសារពន្យល់ចំនួន៣ផ្សេងទៀត ដើម្បីឲ្យសិក្ខាកាមទាំងអស់ងាយស្រួលសិក្សា ។ក្នុង ចំណោមឯកសារគោលធំៗចំនួន៣ រួមមាន ទី១-ការបណ្តុះបណ្តាលកីឡាតាមបែបវិទ្យាសាស្ត្រ ទី២-ការយល់ដឹងពីរចនាសម្ព័ន្ធរបស់ប្រទេសកម្ពុជា និងទី៣-ការអភិវឌ្ឍសិទ្ធផលរយៈពេលយូរ អង្វែង។
ចំពោះឯកសារអមដែលនិយាយពន្យល់បន្ថែម ពីលើឯកគោលធំចំនួន៣ខាងលើ មានដូចជា ទី១- ការពន្យល់ទៅលើផ្នែកបណ្តុះបណ្តាលអត្តពលិកតាមកម្រិតនិងប្រភេទអាយុ ទី២-និយាយពន្យ ល់ អំពីទំហំនៃការបណ្តុះបណ្តាល និងទី៣-ពន្យល់ពីរចនាសម្ព័ន្ធ របៀបធ្វើផែនការហ្វឹកហាត់។
លោកJoerg Teichman អនុបណ្ឌិត មកពីមជ្ឈមណ្ឌលវេជ្ជសាស្ត្រកីឡារបស់ប្រទេសម៉ាឡេស៊ី មានប្រសាសន៍ឲ្យដឹងថា រយៈពេល៣ថ្ងៃកន្លងមកនេះលោក សង្ឃឹមថាសិក្ខាកាម ទាំងអស់មានការ យល់ដឹង បានច្រើន ប៉ុន្តែអ្វីដែលសំខាន់នៅពេលខាងមុខ យើងត្រូវបន្តធ្វើវាទៅលើ មេរៀនដែលបាន សិក្សារួច ហើយ យកទៅអនុវត្ត ពីព្រោះវគ្គសិក្សានេះបានស្វែងរកផ្លូវឲ្យអ្នករាល់គ្នា ឆ្ពោះទៅឆ្នាំ២០២៣។
លោកបានបន្តទៀតថា ខ្ញុំសង្ឃឹមថា សិក្ខាកាមនឹងយកចំណេះដឹង ទៅធ្វើជាកិច្ចការរបស់ ពួកគេគ្រប់ៗគ្នា ហើយខ្ញុំនឹងត្រឡប់មកម្តងទៀត នៅឆ្នាំក្រោយ ដើម្បីពិនិ ត្យមើលរាល់មេរៀន ដែលបានសិក្សានាពេលនេះ ថាតើអ្នកធ្វើវាបានកម្រិតណាដែរ។
សិក្ខាកាមម្នាក់ក្នុងចំណោម២៥នាក់ គឺលោករាជ សុផែន តំណាងសហព័ន្ធ កីឡាប្រដាល់ក្បាច់ គុនបុរាណខ្មែរ បានប្រាប់ឲ្យដឹងថា នៅពេលខ្ញុំបានឆ្លងកាត់វគ្គសិក្សានេះរួច ធ្វើឲ្យខ្ញុំយល់កាន់តែច្បាស់ អំពីការធ្វើផែនការមេ និងផែនការសម្រាប់ហាត់ហ្វឹកហ្វឺនផ្នែកកីឡាប្រដាល់របស់ខ្ញុំ ។
លោករាជ សុផែនបន្តទៀតថា ប្រសិនបើខ្ញុំមិនបានចូលរៀនវគ្គនេះទេ គឺមិនដឹងថា ត្រូវធ្វើយ៉ាង ណាក្នុងការជ្រើសរើសកីឡាករដែលមានទេពកោសល្យ យកមកបណ្តុះបណ្តាលនោះទេ។ ពីព្រោះវគ្គ នេះ បានសិក្សាវិភាគទៅលើកាយសម្បទា ការធ្វើតេស្តសម្រាប់ហ្វឹកហាត់ ហើយការជ្រើសរើសកីឡា ករ កីឡាការិនីទៀតសោត ត្រូវរើសពួកគេចាប់ពីអាយុ៨ឆ្នាំដល់១៤ឆ្នាំ ហើយមើលពីកាយសម្បទា រប ស់ពួកគេតាមរយៈការលោតបន្លាស់ទីនិងឲ្យពួកគេវាយទៅលើបាវសាក់ដោយកំណត់នាទីជាដើម ៕
ដោយ៖ សារីម
