ភ្នំពេញ៖ ប្រជាពលរដ្ឋបានប្រទះឃើញសាកសពបុរស២នាក់នៅក្នុងខ្ទមបាតង់ខៀវក្រោមដើមឈើក្នុងដីឡូតិ៍ដ៏ធំមួយកន្លែងកាលពីវេលាម៉ោង១និង៤៥នាទី ថ្ងៃទី១៨ ខែតុលា ឆ្នាំ២០១៥ នៅចំណុចភូមិគងនយ សង្កាត់គងនយ ខណ្ឌដង្កោ រាជធានីភ្នំពេញ ។
សាកសពមានឈ្មោះ អ៊ឹម សុភី ភេទប្រុស អាយុ៤៦ មុខរបរមន្ត្រីនគរបាលប៉ុសិ៍្តរដ្ឋបាលគងនយ និងឈ្មោះ អៀង ចន្ធីដូ ភេទប្រុស អាយុ២៩ឆ្នាំ ជាកសិករ មានទីលំនៅភូមិកើតហេតុខាងលើ។ បច្ចុប្បន្នមន្ត្រីជំនាញកោសល្យវិច័យកំពុងពិនិត្យ ។
ប្រភពអ្នកភូមិបានឲ្យដឹងថា កាលពីល្ងាចថ្ងៃទី១៧ ខែតុលា គេបានឃើញមនុស្សទៅទិញបៀរនៅម្តុំកន្លែងតារាងបាល់ទះ ហើយគេឃើញមនុស្ស៤នាក់អង្គុយផឹកស៊ីកន្លែងកើតហេតុនោះជុំគ្នា។ លុះដល់វេលាខាងលើ ក៏មានក្មេងឃ្វាលគោប្រទះឃើញសាកសព២នាក់នេះក៏បង្កការភ្ញាក់ផ្អើលតែម្តង។
ដោយឡែ កបើតាមការអះអាងរបស់សមត្ថកិច្ចបង្ហើបថា ករណីនេះអាចជាករណីទំនាស់ពាក្យសម្តីគ្នាក្នុងពេលផឹកស៊ី ៕
ដោយ៖ តាឡឹម
