ភ្នំពេញ៖ ផ្ទះឈើមួយខ្នងដែល ជាជម្រករបស់គ្រួសារក្រីក្រមួយត្រូវភ្លើងឆេះអស់ទាំងស្រុង ធ្វើអោយក្រុមគ្រួសាររង គ្រោះនៅ សល់តែមួយចង្កេះឆ្អេះនឹងខ្លួនដោយសារតែទ្រព្យសម្បត្តិនៅក្នុងផ្ទះទាំងប៉ុន្មាន ត្រូវភ្លើងឆេះអស់គ្មានសល់ តែមិនឆេះរាលដាលដល់ផ្ទះ អ្នក ជិតខាងឡើយ ។
ករណីអគ្គីភ័យនេះបានកើតឡើងនៅវេលាម៉ោង៩និង៣០នាទីព្រឹកថ្ងៃទី១៩ ខែតុលា ឆ្នាំ២០១៥ នៅចំនុច ភូមិជ្រោយអម្ពិល សង្កាត់ក្បាលកោះ ខណ្ឌច្បារអំពៅ ។
ម្ចាស់ផ្ទះរងគ្រោះឈ្មោះ អ៊ុយ ស្រីពៅ អាយុ២៣ឆ្នាំ និងប្ដីឈ្មោះ អ៊ុំ សុភក្ត្រា និងកូនម្នាក់ ។ អំឡុងពេលកើតហេតុ ម្ចាស់ផ្ទះមិនបាននៅផ្ទះទេ ពោលគឺបាននាំកូនតូចទៅមន្ទីរពេទ្យ តាំងពីមុនព្រឹកព្រលឹម ដោយចាក់សោរផ្ទះចោល រហូតមកដល់វេលាខាងលើ ក៏ស្រាប់តែមានអគ្គិភ័យឆាបឆេះឡើងតែម្ដង ។ អគ្គីភ័យឆេះផ្ទះ១ខ្នងនៅសង្គាត់ក្បាលកោះខណ្ឌច្បារអំពៅ ។
លោកឯក.សារ៉ន អធិការរង ខណ្ឌច្បារអំពៅទទួលផ្នែកចរាចរណ៍បានអោយដឹងថា ផ្ទះដែលត្រូវអគ្គីភ័យឆាបនេះ មានទទឹង៤ម៉ែត្រគុណនឹងបណ្តោយ៥ម៉ែត្រ ផ្ទះតៀមជាប់នឹងដី សម្ភារៈមួយឆេះខ្ទេចទាំងស្រុង ។
ករណីនេះបណ្តាលមកពីទុរស្សេខ្សែភ្លើង និងមានរថយន្តអគ្គីភ័យមកជួយអន្តរាគមន៍ប្រើប្រាស់អស់ទឹករថយន្ត១គ្រឿងហើយមិនបណ្តាលគ្រោះថ្នាក់ដល់មនុស្សទេ។
បន្ទាប់ពីកើតគ្រោះអគ្គីភ័យ លោកអធិការរង ក៏បានអំពាវនាវដល់ប្រជាពលរដ្ឋទាំងអស់ អោយមានការប្រុងប្រយ័ត្នខ្ពស់ ចំពោះសុវត្ថិភាពខ្លួន ជុំវិញបញ្ហាអគ្គីភ័យនេះផងដែរ ៕
ដោយ៖ សណ្តោស
