ភ្នំពេញ៖ បុរសម្នាក់ជាបុគ្គលិកក្រុមហ៊ុនអគ្គីសនីវត្តស្លែង បន្ទាប់ពីជួបនូវឧប្បត្តហេតុ ឆក់ចរន្តភ្លើងបណ្តាលឱ្យរងរបួសធ្ងន់ខណ:ដែលកំពុងបំពេញការងារ ។
កាលពីវេលាម៉ោង៣និង៣០នាទីថ្ងៃទី១៤ ខែសីហា ឆ្នាំ២០១៥ ស្ថិតនៅក្បែរវត្តត្រពាំងសិលាភូមិត្រពាំងសិលា សង្កាត់ពងទឹក ខណ្ឌដង្កោ ហើយត្រូវបានរថយន្តសង្គ្រោះដឹកបញ្ជូនទៅសង្គ្រោះនៅមន្ទីរពេទ្យរុស្សី ហើយត្រូវបានខាងក្រុមហ៊ុនអគ្គីសនីបញ្ជូនបន្តទៅសង្គ្រោះព្យាបាលនៅប្រទេសវៀតណាម អស់រយះពេលជាង១ខែ ឥឡូវនៅមានជីវិតជាធម្មតា តែជនរងគ្រោះជួបនូវវិប្បដិសេរីអស់មួយជីវិត ដោយភាពរងគ្រោះ ពិការដៃជើង ខាងឆ្វេងរស់ទាំងត្រដរក្នុងស្ថានភាពគ្រួសារក្រលំបាក ។ ពេលនេះថ្វីបើជនរងគ្រោះនៅមានជីវិតនៅឡើយក៏ពិតមែនតែរបួសស្នាមមិនទាន់ជាសះនៅឡើយកំពុងតែបន្តព្យាបាលនៅផ្ទះខណ:គ្រួសារក្រក្សត់ ជនរងគ្រោះដង្ហោយហៅរកសប្បុរសធម៌ ជួយដល់រូបគាត់ផង ។
បុរសអភ័ព្វ ខាងលើ ឈ្មោះ ឃឹម ផានិត អាយុ២៥ឆ្នាំ អតីត បុគ្គលិកក្រុមហ៊ុនអគ្គសនី វត្តស្លែង មានប្រពន្ធឈ្មោះ វី ស្រីនិច អាយុ២៤ឆ្នាំ មុខរបរ អតីតជា កម្មកររោងចក្រ ឥឡូវទើបសម្រាលកូនខ្ចីបានរយះពេល1ខែ រស់នៅភូមិគោកខ្សាច់ សង្កាត់ប្រទះឡាង ខណ្ឌដង្កោ ។
គួររំលឹកផងដែរថា កាលពីរសៀលថ្ងៃទី១៤ ខែសីហា ឆ្នាំ២០១៥ កន្លងទៅ បុរសខាងលើ ជួបនូវឧប្បត្តិហេតុ ឆក់ខ្សែភ្លើងពេលដែលកំពុងបំពេញភារកិច្ចរបស់ខ្លួនជាជាងភ្លើងរបស់ក្រុមហ៊ុនអគ្គីសនីវត្តស្លែង ក្នុងស្ថានភាពរបួសធ្ងន់ធ្ងរ ជនរងគ្រោះ ត្រូវបានខាងក្រុមហ៊ុនអគ្គីសនីបញ្ជូនចេញពីមន្ទីរពេទ្យរុស្សីបន្តទៅសង្គ្រោះនៅប្រទេសវៀតណាមពេលនេះទោះជាជនរងគ្រោះនៅមានជីវិត្តបន្តរស់ក៏ដោយតែអ្វីដែលធ្វើឱ្យគាត់ស្ដាយក្រោយនោះគឺក្នុងឆាកជីវិតរបស់គាត់មានវិបត្ដិសារីមួយជីវិត ៕
ដោយ៖ ភារ៉ា ដង្កោ
