ខេត្ដរតនគិរី៖ ទឹកស្អុយហូរចេញពីលូ ធ្វើឱ្យប៉ះពាល់ដល់បរិស្ថាននិងការរស់ នៅរបស់ប្រជាពលរដ្ឋយ៉ាងខ្លាំងពិសេស ប៉ះពាល់ដល់ការសិក្សារបស់សិស្សានុ សិស្សសាលាបឋមសិក្សាឡាបានសៀក នាំឱ្យមានការរិះគន់យ៉ាងខ្លាំង។
ប្រជាពលរដ្ឋបានឱ្យដឹងថា ទឹកស្អុយ ហូរចេញពីលូនេះបានកើតឡើងជាច្រើន ខែមកហើយតែអាជ្ញាធរមូលដ្ឋាននិង ថ្នាក់លើដូចជាមិនចាប់អារម្មណ៍បញ្ហា នេះទេ។ កាលពីកន្លងទៅគេបានឃើញ អាជ្ញាធរចុះមកជីកដាក់លូហើយក្រោយ មកពុំឃើញសកម្មភាពជីកដាក់លូឱ្យរួច រាល់នោះទេដោយទុកចោលពាក់កណ្ដាល ធ្វើឱ្យទឹកស្អុយហូរចេញពីលូ។
ប្រជាពលរដ្ឋបានឱ្យដឹងទៀតថា ទឹក ស្អុយហូរចេញពីលូខាងលើនេះស្ថិតនៅ តាមផ្លូវជាតិលេខ៧៨A ចេញពីក្រុងបាន លុងទៅស្រុកអូរជុំ ស្ថិតនៅភូមិទេស អន្លង់ សង្កាត់បឹងកន្សែង មុខសាលា បឋមសិក្សាឡាបានសៀក។ ទឹកសម្អុយ ហូរចេញពីលូនេះមិនត្រឹមតែធ្វើឱ្យប្រជា ពលរដ្ឋនិងអ្នកធ្វើដំណើរឆ្លងកាត់ធុញ ទ្រាន់ក្នុងការបិតច្រមុះប៉ុណ្ណោះទេ ពិសេសនោះគឺសិស្សានុសិស្សដែលកំពុង សិក្សានៅក្នុងសាលាបឋមសិក្សាឡា បានសៀកនេះតែម្ដង។
ជុំវិញករណីនេះលោក សូរ សំណាង ប្រធានមន្ទីរសាធារណៈការខេត្ដរតនគិរី បានប្រាប់ឱ្យដឹងតាមទូរស័ព្ទថា ការធ្វើ លូបង្ហូរទឹកស្អុយចេញពីក្រុងបានលុងនេះ ជាគម្រោងរបស់ខេត្ដបានម៉ៅការឱ្យ ក្រុមហ៊ុនមួយដើម្បីស្ថាបនា។ ការដែល ក្រុមហ៊ុនផ្អាកមិនបន្ដសកម្មភាពបញ្ចប់ នោះព្រោះអាជ្ញាធរខេត្ដមានលុយធ្វើ ត្រឹមតែប៉ុណ្ណឹង ហើយប្រហែលជាឆ្នាំ ក្រោយទើបធ្វើបន្ដទៅទៀត។
ដោយឡែកលោក ញ៉ែម សំអឿន អភិបាលរងខេត្ដរតនគិរីបានប្រាប់ឱ្យដឹង តាមទូរស័ព្ទដែរថា ចំពោះករណីនេះ លោកពុំទាន់បានដឹងទេ ហើយលោកចាំ មើលខាងភូមិ-សង្កាត់រាយការណ៍មក* ក្រុងរួមជាមួយនឹងមន្ដ្រីមន្ទីរសាធារណៈ ការពីព្រោះមួយរយះនេះលោកជាប់ រវល់។
ជុំវិញការរិះគន់ទឹកស្អុយហូរចេញពី លូដដែលនេះលោក អ៊ុក សំអុល អភិ បាលក្រុងបានលុងបានឱ្យដឹងដែរថា លូ បង្ហូរទឹកស្អុយចេញពីក្រុងនេះជាគម្រោង របស់ខេត្ដ អញ្ចឹងទេលោកមិនដឹងឡើយ ហើយខេត្ដជាអ្នកធ្វើ ខេត្ដជាអ្នកទទួល ខុសត្រូវ មិនចាំបាច់លោករាយការណ៍ ទៅទេ ខេត្ដគេដឹងខ្លួនគេហើយ។
យ៉ាងណាក៏ដោយប្រជាពលរដ្ឋ សិស្សា នុសិស្សនិងអ្នករស់នៅក្នុងក្រុងបានលុង បានសំណូមពរយ៉ាងទទួចដល់លោកអភិ បាលខេត្ដរតនគិរីឱ្យជម្រុញការដាក់លូ ឱ្យរួចរាល់ដើម្បីបញ្ចៀសក្លិនស្អុយដែល ធ្វើឱ្យប៉ះពាល់ដល់ការសិក្សារបស់សិស្សា នុសិស្ស ហើយជាងនេះភ្ញៀវទេសចរណ៍ ដែលចូលមកកម្សាន្ដនៅទឹកដីសង្កាត់ បឹកកន្សែង ក្រុងបានលុង ខេត្ដរតនគិរី នេះ។ ម្យ៉ាងវិញទៀតដើម្បីជាការប្រឡង ប្រជែងយកពានរង្វាន់ទីក្រុងស្អាតផង ៕
ដោយ៖ អ៊ុច សាវុទ្ធ
