ខេត្ដស្ទឹងត្រែង៖ ផ្លូវជាច្រើនខ្សែ នៅក្នុងខេត្ដស្ទឹងត្រែង ដែលទើបស្ថាបនា និងជួសជុលហើយថ្មីៗ ពេលនេះបានវិល ទៅកាន់សភាពដើមវិញជាមួយជង្ហុក ក្រហេងក្រហូងដែលផ្ដើមឱ្យមានការ រិះគន់យ៉ាងចម្រូងចម្រាសទៅលើ មន្ទីរសាធារណការពីការធ្វើផ្លូវពុំមាន គុណភាព ។
ប្រជាពលរដ្ឋនៅក្នុងខេត្ដបានលើក ឡើងថា ជាទូទៅការធ្វើដំណើរបស់ពួក គាត់ជាញយដងត្រូវបានរំខានដោយការជួសជុលផ្លូវ ប៉ុន្ដែផ្លូវដែលធ្វើហើយមិន បានប៉ុន្មានផង ក៏វិលធ្លាក់ទៅកាន់សភាព ដើមដ៏គ្រោះថ្នាក់វិញ ។ ពួកគាត់លើក ឡើងថា ស្ថានភាពរបស់ផ្លូវក៏ជាមូល ហេតុចម្បងបង្កឱ្យមានគ្រោះថ្នាក់ចរចរណ៍ផងដែរ ។
លោក ស គីមណាត ប្រធានមន្ទីរ សាធារណការ និងដឹកជញ្ជូនខេត្ដស្ទឹង ត្រែងបានថ្លែងថា លោកស្វាគមន៍ចំពោះ ការរិះគន់ដែលជាសារមួយសម្រាប់ថ្នាក់លើ ។ ប៉ុន្ដែលោកថា ក្រុមប្រជាពលរដ្ឋ ទាំងនោះដឹងតែពីការប្រើប្រាស់ផ្លូវអត់ ដឹងពីលក្ខណៈបច្ចេកទេសនៃការធ្វើផ្លូវទេ ។
ជាមួយគ្នាលោកពន្យល់ថា ផ្លូវមាន ៤ប្រភេទទី១គឺផ្លូវម៉ាក់កាដាំ(ជាប្រភេទផ្លូវយកថ្មទៅរៀប) , ទី២ ផ្លូវអេស៊ី (ជា ប្រភេទផ្លូវចាក់អ៊ុត) , ទី៣ផ្លូវចាក់ បេតុង និងទី៤ផ្លូវឌីប៊ីអេសធី (ជាប្រភេទ ផ្លូវយកជ័រកៅស៊ូទៅចាក់រោយពីលើថ្ម តូចៗ) ដែលផ្លូវឌីប៊ីអេសធីនេះ គឺយើង ប្រើសព្វថ្ងៃចំណាយលុយតិចរហ័សឆាប់បានប្រើ ។
យ៉ាងណាក៏ដោយទិដ្ឋភាពជាក់ស្ដែង ដែលផ្លូវទើបតែធ្វើហើយខូចទៅវិញភ្លាមៗ ប្រជាពលរដ្ឋពិតជាយល់ថាជំនាញធ្វើផ្លូវលួចបច្ចេកទេសទើបផ្លូវឆាប់ខូច ។ ការ យល់ឃើញរបស់ប្រជាពលរដ្ឋទៅតាម ទិដ្ឋភាពជាក់ស្ដែងនៃស្ថានភាពផ្លូវ ៕
ដោយ៖ ហេង នរិន្ទ្រ
