ខេត្តកំពង់ចាម ៖ រយៈពេល២ថ្ងៃ កម្លាំងនគរបាលខេត្តកំពង់ចាម បានចុះប្រតិបត្តិការបង្ក្រាប ពាក់ព័ន្ធការជួញដូរ និងរក្សាទុកថ្នាំញៀនបានចំនួន៥ករណី និងឃាត់ខ្លួនជនសង្ស័យជាបន្តបន្ទាប់ ចាប់យកថ្នាំញៀន និងសម្ភារបានមួយចំនួនធំ ដើម្បីបញ្ជូនទៅតុលាការចាត់ការតាមផ្លូវច្បាប់ ។
ករណីទី១ ៖ ធ្វើឡើងនៅវេលាម៉ោង២០ និង៣០នាទី ថ្ងៃទី២៣ ខែវិច្ឆិកា ឆ្នាំ២០១៧ នៅចំណុចភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ដោយជំនាញការិយាល័យប្រឆាំង គ្រឿងញៀន សហការជាមួយកម្លាំងជំនាញអធិការដ្ឋាននគរបាលជើងព្រៃ និងបាធាយ ដឹកនាំដោយលោកវរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀន បានចុះប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន ឃាត់ខ្លួនជនបានសង្ស័យ៤នាក់
១-ឈ្មោះ សា បុត្រ ភេទប្រុស អាយុ៣០ឆ្នាំ ជាតិខ្មែរ នៅភូមិផ្អាវ ឃំុផ្អាវ ស្រុកបាធាយ ខេត្តកំពង់ចាម(មុខសញ្ញាចែកចាយ)
២-ឈ្មោះ សុំ វិចិត្រ ភេទប្រុស អាយុ២៧ឆ្នាំ ជាតិខ្មែរ នៅភូមិផ្អាវ ឃំុផ្អាវ ស្រុកបាធាយ ខេត្តកំពង់ចាម(លទ្ធផលធ្វេីតេស្តវិជ្ជមាន)។
៣-ឈ្មោះ ជួប សុភី ភេទប្រុស អាយុ២៧ឆ្នាំ នៅភូមិផ្អាវ ឃំុផ្អាវ ស្រុកបាធាយ ខេត្តកំពង់ចាម(លទ្ធផលធ្វេីតេស្តវិជ្ជមាន)។
៤-ឈ្មោះ រុណ រិទ្ធ ភេទប្រុស អាយុ២១ឆ្នាំ នៅភូមិផ្អាវ ឃុំផ្អាវ ស្រុកបាធាយ ខេត្ត កំពង់ចាម (លទ្ធផលធ្វើតេស្តវិជ្ជមាន) ។ រឹបអូសវត្ថុតាង ទូរស័ព្ទដៃចំនួន០៣គ្រឿង។
ករណីទី២ ៖ នៅថ្ងៃខែឆ្នាំដដែល វេលាម៉ោង២១ និង១០នាទី នៅចំណុចភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ជំនាញការិយាល័យប្រឆាំងគ្រឿងញៀន សហការជាមួយ កម្លាំងជំនាញអធិការដ្ឋាននគរបាលស្រុកបាធាយ បានចុះអនុវត្តដីកាបង្គាប់អោយចាប់ខ្លួន លេខ១៩៤១តព្រ ចុះថ្ងៃទី២៥ ខែមេសា ឆ្នាំ២០១៧ ចេញដោយលោក សួន សំណាង ចៅក្រម ជំនុំជម្រះសាលាដំបូងខេត្តកំពង់ចាម ឲ្យឃាត់ខ្លួនជនសង្ស័យឈ្មោះ ហឿន ហុង ភេទប្រុស អាយុ១៧ឆ្នាំ នៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ពីបទជួញដូរដោយ ខុសច្បាប់នូវសារធាតុញៀន ដែលបានប្រព្រឹត្តឡើងកាលពីថ្ងៃទី១០ ខែកក្កដា ឆ្នាំ២០១៧ នៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ។
ករណីទី៣ ៖ នៅថ្ងៃខែឆ្នាំដដែល វេលាម៉ោង១១និង៣០នាទី កម្លាំងជំនាញអធិការដ្ឋាននគរបាលស្រុកស្ទឹងត្រង់ សហការជាមួយកម្លាំងប៉ុស្តិ៍នគរបាលរដ្ឋបាលមេសជ្រៃ បានចុះល្បាតនិងបង្ក្រាបឃាត់ខ្លួនជនសង្ស័យម្នាក់ នៅចំណុចភូមិបុសពោធិ៍ ឃុំមេសជ្រៃ ស្រុកស្ទឹងត្រង់ ខេត្តកំពង់ចាម ។
ជនសង្ស័យឈ្មោះ ផុន ផា ភេទប្រុស អាយុ១៧ឆ្នាំ ជាតិខ្មែរ នៅភូមិបុសពោធិ៍ ឃុំមេសរជ្រៃ ស្រុកស្ទឹងត្រង់ ខេត្តកំពង់ចាម ចំណែកបក្សពួកបានរត់គេចខ្លួនបាត់ ដោយយប់ងងិត។ ចាប់យកវត្ថុតាង ថ្នាំញៀនចំនួន១កញ្ចប់តូច និងឧបករណ៍សេពគ្រឿងញៀនមួយ សម្រាប់។
ករណីទី៤ ៖ នៅថ្ងៃទី២៤ ខែវិច្ឆិកា ឆ្នាំ២០១៧ វេលាម៉ោង០០និង៣០នាទី រំលងអធ្រាត្រ នៅចំណុចក្លិបកម្សាន្តយីហោ ហ្គោល ស្ថិតក្នុងភូមិបឹងស្នាយ ឃុំសំបួរមាស ក្រុងកំពង់ចាម ខេត្តកំពង់ចាម ជំនាញការិយាល័យប្រឆាំងគ្រឿងញៀន សហការជាមួយកម្លាំងជំនាញ អធិការដ្ឋាននគរបាលស្រុកកំពង់សៀម និងក្រុងកំពង់ចាម ដឹកនាំដោយលោកវរសេនីយ៍ទោ ឯក ប៉ាន់ដន អធិការនគរបាលស្រុកកំពង់សៀម និងលោកវរសេនីយ៍ត្រី ជីវ សេងរស់ នាយរងការិយាល័យប្រឆាំងគ្រឿងញៀន ប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន ឃាត់ខ្លួនជនសង្ស័យ២នាក់ ស្រី១នាក់ ។
១-ឈ្មោះ ថា ស្រីអែម ភេទស្រី អាយុ២៥ឆ្នាំ ជាតិខ្មែរ នៅភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម។
២-ឈ្មោះ ធន់ ស៊ីថន ភេទប្រុស អាយុ១៩ឆ្នាំ ជាតិខ្មែរ នៅភូមិវាលលិច ឃុំជីគរ ស្រុកត្បូងឃ្មុំ ខេត្តត្បូងឃ្មុំ។ ចាប់យកវត្ថុតាង ថ្នាំញៀន១កញ្ចប់តូច និងប្រាក់ញុះញង់ចំនួន ៥ដុល្លា ទូរស័ព្ទដៃចំនួន១គ្រឿង ម៉ូតូ១គ្រឿង
ករណីទី៥ ៖ នៅថ្ងៃទី២៣ ខែវិច្ឆិកា ឆ្នាំ២០១៧ វេលាម៉ោង២០និង៣៥នាទី កម្លាំង ជំនាញនៃអធិការដ្ឋាននគរបាលស្រុកចំការលើ ដឹកនាំដោយលោកអនុសេនីយ៍ឯក មុំ ធន់ អធិការរងទទួលផែនប្រឆាំងគ្រឿងញៀន បានចុះត្រួតពិនិត្យអាវុធជាតិផ្ទុះ នៅចំណុចផ្លូវ លេខ៧១A ភូមិតាប៉ុម ឃុំចំការអណ្ដូង ស្រុកចំការលើ ខេត្តកំពង់ចាម ធ្វើការបង្ក្រាបឃាត់ ខ្លួនសង្ស័យចំនួន២នាក់ ។
១-ឈ្មោះ រស់ ធារ៉ា ហៅខ្មៅ ភេទប្រុស អាយុ២២ឆ្នាំ ជាតិខ្មែរ មានទីលំនៅភូមិថ្នល់បែកលិច ឃុំស្វាយទាប ស្រុកចំការលើ ខេត្តកំពង់ចាម ។
២-ឈ្មោះ វីន សុខវន្ដ ភេទប្រុស អាយុ២៨ឆ្នាំជាតិខ្មែរ មានទីលំនៅភូមិថ្នល់បែកកើត ឃុំស្វាយទាប ស្រុកចំការលើ ខេត្តកំពង់ចាម ។ ចាប់យកវត្ថុតាងថ្នាំញៀន១កញ្ចប់តូច ទូរស័ព្ទដៃ១គ្រឿង និងដកហូតម៉ូតូ១គ្រឿង ។
ក្រោយសួរចម្លើយជនសង្ស័យទាំង២នាក់ខាងលើ កម្លាំងជំនាញអធិការដ្ឋាន សហការជា មួយកម្លាំងប៉ុស្ដិ៍នគរបាលរដ្ឋបាលតាប្រុក ចុះប្រតិបត្តិការបន្តឃាត់ខ្លួនជនសង្ស័យបាន៤ នាក់បន្ថែមទៀត នៅវេលាម៉ោង២១និង៥៥នាទី ។
ជនសង្ស័យចំនួន៤នាក់មានឈ្មោះ
១-ឈ្មោះ យឹម សុខចាន់ ភេទប្រុស អាយុ២៣ឆ្នាំ ជាតិខ្មែរ មានទីលំនៅភូមិស្រែប្រាំង ឃុំតាប្រុក ស្រុក ចំការលើ ខេត្តកំពង់ចាម (ម្ចាស់ផ្ទះ) ។
២-ឈ្មោះ សុខ ណា ភេទប្រុស អាយុ១៧ ឆ្នាំ ជាតិខ្មែរ
៣-ឈ្មោះ វីន ជីវន្ដ ភេទប្រុស អាយុ១៨ ឆ្នាំ ជាតិខ្មែរ
៤-ឈ្មោះ សួន ប្រុសពៅ ភេទប្រុស អាយុ១៥ឆ្នាំ ជាតិខ្មែរ ទាំង០៣នាក់ មានទីលំនៅភូមិ៣៣ ឃុំចំការអណ្ដូង ស្រុកចំការលើ ខេត្តកំពង់ចាម ។ ចាប់យកវត្ថុតាង ថ្នាំញៀនចំនួន១កញ្ចប់តូច ឧបករណ៍សេពគ្រឿងញៀន១ ថង់ប្លាស្ទិចសំរាប់វិចខ្ចប់គ្រឿង ញៀនមួយចំនួន ទូរស័ព្ទដៃ៥គ្រឿង កាំបិតចុងស្រួច(ដាវ)០១ដើម និងដកហូតម៉ូតូ០២ គ្រឿង ។
បច្ចុប្បន្នជនសង្ស័យ និងវត្ថុតាង កម្លាំងសមត្ថកិច្ចបានកសាងសំណុំឯកសារបញ្ជូនចាត់ការបន្តតាមនីតិវិធី ដើម្បីផ្តន្ទាទោសតាមច្បាប់ ៕ ដោយ ៖ វណ្ណៈ
