ខេត្តពោធិ៍សាត់ ៖ ម៉ូតូម៉ាក ស៑ុយស៑ុយសាគីនិច និងហុងដាវ៉េវអាល់ហ្វាបុកគ្មាពេញទំហឹង ខណៈកំពុងធ្វើចរាចរណ៍បញ្រ្ចាស់ទិសគ្នានៅលើផកំណាត់ផ្លូវកៅស៑ូលេខ១៥៥ បណ្ដាលឲ្យរងរបួសធ្ងន់ចំនួន ៣នាក់រដូករណេល។

ហេតុការណ៍ខាងលើបានកើតឡើងកាលពីវេលាម៉ោង៩ និង២៥នាទីព្រឹក ថ្ងៃទី២៤ ខែវិច្ឆិកា ឆ្នាំ២០១៧ នៅលើកំណាត់ផ្លូវកៅស៑ូលេខ១៥៥ ត្រង់ចន្លោះបង្គោលគីឡូម៉ែត្រលេខ ២៧,២៨ ស្ថិតក្នុងភូមិក្រូចឆ្មា ឃុំលាច ស្រុកភ្នំក្រវាញ ខេត្តពោធិ៍សាត់។
៤
ប្រភពព័ត៌មានពីផ្នែកសណ្ដាប់ធ្នាប់នៃអធិការដ្ឋាននគរបាលស្រុកភ្នំក្រវាញបានឲ្យដឹងថា មុនដំបូងគេឃើញម៉ូតូ ១គ្រឿងម៉ាក ស៑ុយស៑ុយសាគីនិច ពណ៏ស ពាក់ស្លាកលេខ ភ្នំពេញ BM 2612 បើកបរដោយឈ្មោះ អាន ភឹម ភេទប្រុស អាយុ ៣៧ឆ្នាំ ជនជាតិខ្មែរ មានទីលំនៅភូមិតានុក ឃុំលាច ស្រុកភ្នំក្រវាញ ធ្វើចរាចរណ៍ក្នុងទិសដៅពីជើងឆ្ពោះទៅទិសខាងត្ចូង ម្នាក់ឯងក្នុងល្បឿនលឿនដូចហោះ លុះមកដល់ចំណុចកើតហេតុបានជ្រុលបុកជាមួយម៉ូតូ ១គ្រឿងទៀតម៉ាក ហុងដាវ៉េវអាល់ហ្វាពេញទំហឹង បណ្ដាលឲ្យភាគ្គីម្ខាងម៉ូតូបាក់កនៅនឹងកន្លែង និងម្ខាងទៀតធ្លាក់ចូលស្នាមភ្លោះ ចំណែកអ្នកបើកបរម៉ូតូទាំងសង់ខាង និងអ្នករួមដំណើររបួសរដូករណេល។

ប្រភពខាងលើបន្តថា ម៉ូតូម៉ាក ហុងដាវ៉េវអាល់ហ្វា សេរីឆ្នាំ២០១៥ ពណ៏ខ្មៅ ពាក់ស្លាកលេខ ពោធិសាត់ 1F 3739 បើកបរដោយឈ្មោះ ឆេន កប ភេទប្រុស អាយុ ២១ឆ្នាំ ជនជាតិខ្មែរ រស់នៅភូមិច្រេស ឃុំសាលា ស្រុកកំពង់ត្រាច ខេត្តកំពត មកស្នាក់នៅភូមិ,ឃុំកើតហេតុ និងអ្នករួមដំណើរឈ្មោះ ញ៉ មន ភេទប្រុស អាយុ ១៨ឆ្នាំ ស្នាក់នៅជាមួយគ្នា ធ្វើដំណើរពីត្បូងឆ្ពោះទៅទិសខាងជើងច(ច្រាសគ្នា)។

ប្រភពដដែលបន្តទៀតថា ជនរងរបួសបានបញ្ជូនទៅសង្រ្គោះនៅមន្ទីរពេទ្យបង្អែកស្រុកភ្នំក្រវាញ ចំណែកវត្ថុតាងម៉ូតូទាំង ២គ្រឿងបានយកទៅរក្សាទុកនៅផ្នែកសណ្ដាប់ធ្នាប់នៃអធិការដ្ឋាននគរបាលស្រុកភ្នំក្រវាញ រងចាំធ្វើការដោះស្រាយគ្នាតាមនីតិវិធីជាក្រោយ ៕  បឹុម ពិន