ខេត្ដពោធិ៍សាត់៖ កុមារីអាយុទើប ២ឆ្នាំត្រូវក្មេងប្រុសអាយុ១៣ឆ្នាំចាប់ រំលោភខណៈដែលឪពុកម្ដាយកុមារីរង គ្រោះរវល់ផឹកស៊ីសាច់ឆ្កែនៅផ្ទះអ្នកជិត ខាងចម្ងាយប្រមាណ៥០០ម៉ែត្រ។ ករណី ខាងលើនេះបានកើតឡើងនៅវេលា ម៉ោង៣និង៤០នាទីរសៀលថ្ងៃទី២១ ខែ តុលា ឆ្នាំ២០១៥ នៅភូមិសំឡាញ់ ឃុំ ក្រពើ២ ស្រុកវាលវែង ខេត្ដពោធិ៍សាត់។
បើតាមសមត្ថកិច្ចមូលដ្ឋានឱ្យដឹងថា កុមារីរងគ្រោះឈ្មោះ ន.យ អាយុ២ឆ្នាំ រស់នៅភូមិ-ឃុំកើតហេតុ។ នៅក្រោយ កើតហេតុនិងមានការភ្ញាក់ផ្អើលសមត្ថកិច្ចបានឃាត់ខ្លួនក្មេងប្រុសសង្ស័យឈ្មោះ លៀង វីវ៉ា អាយុ១៣ឆ្នាំ មានទីលំនៅ ភូមិ-ឃុំជាមួយគ្នា ហើយក្រោយពី ឃាត់ខ្លួនសមត្ថកិច្ចមូលដ្ឋានបានបញ្ជូន ទៅអធិការដ្ឋាននគរបាលស្រុកវាលវែង ដើម្បីសាកសួរ។ រីឯកុមារីរងគ្រោះត្រូវ បានអាណាព្យាបាលបញ្ជូនទៅព្យាបាល នៅមន្ទីរពេទ្យខេត្ដពោធិ៍សាត់។
លោកអធិការស្រុកវាលវែងបាន ប្រាប់អ្នកព័ត៌មាននគរវត្ដតាមទូរស័ព្ទ នៅរសៀលថ្ងៃទី២២ ខែតុលា ថា តាម ចម្លើយក្មេងប្រុសសង្ស័យបានឆ្លើយថា រូបគេបានចាប់កុមារីរងគ្រោះរំលោភ នៅពេលនាងដេកលង់លក់លើគ្រែក្រោម ផ្ទះពុំមានស្លៀកសំពត់និងខណៈឪពុក ម្ដាយរបស់កុមារីរងគ្រោះមិននៅផ្ទះ។ លោកអធិការបានបន្ដថា មុនពេលក្មេង ប្រុសសង្ស័យចាប់កុមារីរងគ្រោះរំលោភ នោះគឺរូបគេបានមើលរឿងស៊ិចតាម ទូរស័ព្ទដែលនាំឱ្យរូបគេកើតតណ្ហាពុះ កញ្ចោលទ្រាំមិនបានក៏ចាប់រំលោភ កុមារីរងគ្រោះពេលកំពុងដេកលង់លក់ នៅលើគ្រែក្រោមផ្ទះតែម្ដង។
លោកអធិការបានដកស្រង់ចម្លើយ សារភាពក្មេងប្រុសសង្ស័យឱ្យដឹងទៀត ថា កន្លងទៅរូបគេ(ក្មេងប្រុសសង្ស័យ) គេធ្លាប់បានរួមភេទជាមួយនឹងនារីវ័យ ជិត២០ឆ្នាំចំនួន២លើករួចមកហើយៗ នារីដែលគេបានរួមភេទនោះនៅមុន ពេលកើតហេតុបានចាកចេញពីភូមិទៅ ខេត្ដផ្សេង។
គេនៅពុំទាន់ដឹងថា ក្មេងប្រុសសង្ស័យ ដែលបានរំលោភកុមារីអាយុទើបតែ២ ឆ្នាំនេះនឹងត្រូវចាត់ការបែបណានៅ ឡើយទេ តែបើតាមលោកអធិការស្រុក វាលវែងបានបញ្ជាក់ថាលោកកំពុង សាកសួរនិងកសាងសំណុំរឿងបញ្ជូនទៅស្នងការដ្ឋាននគរបាលខេត្ដពោធិ៍សាត់ ដើម្បីបន្ដនីតិវិធី ៕
ដោយ៖ ប៉ឹម ពិន
