ខេត្ដក្រចេះ៖ លោក ហ៊ួត លឹមហៀង នាយការិយាល័យព្រហ្មទណ្ឌកម្រិតធ្ងន់ ខេត្ដក្រចេះបានឱ្យដឹងថា អាជ្ញាធរមាន សមត្ថកិច្ចកំពុងតែតាមរកចាប់ខ្លួនប្ដី ស្ដ្រីម្នាក់ដែលជាប្រធានមជ្ឈមណ្ឌល កុមារកំព្រា ដំណឹងល្អទាំង៤នៅស្រុកឆ្លូង ខេត្ដក្រចេះ ដែលបានចាប់រំលោភក្មេង ស្រីពីរនាក់ អាយុពី១០ដល់១២ឆ្នាំ កាល ពីដើមខែតុលា ឆ្នាំ២០១៥កន្លងទៅ ។ ជន សង្ស័យឈ្មោះ ញ៉ ធី អាយុ៣៧ឆ្នាំ មាន មុខរបរជាអ្នករត់ម៉ូតូឌុប ។
ជនសង្ស័យបានមកស្នាក់នៅជាមួយ ប្រពន្ធក្នុងមជ្ឈមណ្ឌលកុមារកំព្រាដំណឹងល្អទាំង៤ នៅភូមិជ្រោយថ្ម ឃុំឆ្លូង ស្រុក ឆ្លូងក្រោយពីបានប្រព្រឹត្ដសេពសន្ថវៈលើក្មេងស្រីហើយជននោះបានគេចខ្លួនបាត់ ។
លោកនាយការិយាល័យព្រហ្មទណ្ឌបាន ឱ្យដឹងទៀតថា ក្រោយពីមានរឿងអាស្រូវ ប្រពន្ធឈ្មោះ ណេវ សៃហ៊ួរ អាយុ៣២ឆ្នាំ ជានាយិកាមជ្ឈមណ្ឌលដំណឹងល្អទាំង៤ បានដាក់ពាក្យបណ្ដឹងទៅនគរបាលស្រុក ឆ្លូង កាលពីថ្ងៃទី៦ ខែតុលា ឆ្នាំ២០១៥ ។ ក្នុងពាក្យបណ្ដឹងបានបញ្ជាក់ថា ប្ដីរបស់ គាត់បានធ្វើសកម្មភាពចាប់រំលោភ ក្មេងស្រីចំនួន២នាក់ អាយុ១០ឆ្នាំម្នាក់ និងអាយុ១២ឆ្នាំម្នាក់ ក្នុងចំណោមក្មេង កំព្រាជិត១០នាក់ដែលនៅក្នុងមជ្ឈ មណ្ឌលកុមារកំព្រា ភូមិជ្រោយថ្មលើ ឃុំឆ្លូង ស្រុកឆ្លូង ខេត្ដក្រចេះ ។ ការរំលោភ នោះបានសម្រេចជាច្រើនដងចាប់ពី យប់ថ្ងៃទី១ ដល់ថ្ងៃទី៤ ខែតុលា ឆ្នាំ២០១៥ នៅពេលដែលរូបគាត់បានឡើងទៅចូលរួមសិក្ខាសាលានៅទីរួមខេត្ដ ។
លោកស្រី នាយិកា បានឱ្យដឹងទៀតថា បន្ទាប់ពីត្រឡប់មកពីទីរួមខេត្ដវិញក្មេង ស្រីរងគ្រោះទាំងពីរនាក់នោះបានប្រាប់ គាត់ថា ឈ្មោះ ញ៉ ធី ជាប្ដីរបស់គាត់បាន លួងលោមឱ្យលុយ៥.០០០រៀលរៀង រាល់ពេលដែលជនសង្ស័យធ្វើសកម្ម ភាពរំលោភ និងប្រាប់ថាធំឡើងទិញផ្ទះ សម្ភារផ្សេងៗទៀតនិងគំរាមមិនឱ្យប្រាប់អ្នកណាឡើយ ។
ប្រធានសម្របសម្រួលសមាគម អាដហុកប្រចាំខេត្ដក្រចេះ កញ្ញា ហ៊ាន ជាវគុណបានឱ្យដឹងថា អាណាព្យាបាល របស់ក្មេងរងគ្រោះទាំងពីរនាក់នោះបាន ដាក់ពាក្យបណ្ដឹងមកសមាគមអាដហុក កាលពីថ្ងៃទី២០ ខែតុលា ឆ្នាំ២០១៥ ដើម្បីឱ្យជួយរកយុត្ដិធម៌ដល់គ្រួសារ របស់គាត់ ព្រោះរឿងនេះវាកើតឡើងជិត ១ខែហើយមិនទាន់ឃើញចាប់ជនល្មើស បាននៅឡើយទេ និងសុំឱ្យសមាគម អាដហុកជួយរកកន្លែងឱ្យកូនគាត់រស់នៅ និងរៀនសូត្រយកជំនាញផ្សេងៗផង ៕
ដោយ៖ ហេង នរិន្ទ្រ
