ខេត្ដព្រះសីហនុ៖ បុរសជាសន្ដិសុខ ឯកជនក្រុមហ៊ុនCGSម្នាក់ត្រូវបានគេ ប្រទះឃើញចងកសម្លាប់ខ្លួនកាលពីយប់ ឈានចូលថ្ងៃទី២២ ខែតុលា ឆ្នាំ២០១៥ នៅក្នុងអគារស្នាក់នៅក្រុមហ៊ុនដែល មានទីតាំងស្ថិតនៅភូមិ២ សង្កាត់លេខ២ ក្រុង-ខេត្ដព្រះសីហនុ បង្កការភ្ញាក់ផ្អើល ដល់ប្រជាពលរដ្ឋនិងសមត្ថកិច្ច ។
ប្រភពព័ត៌មានពីសមត្ថកិច្ចមូលដ្ឋាន សង្កាត់លេខ២បានឱ្យដឹងថា នៅវេលា រំលងអធ្រាត្រឈានចូលថ្ងៃទី២២ ខែតុលា ឆ្នាំ២០១៥ សមត្ថកិច្ចមូលដ្ឋានបានទទួល សេចក្ដីរាយការណ៍ពីតំណាងក្រុមហ៊ុនថា មានបុគ្គលិកម្នាក់ចងកសម្លាប់ខ្លួននៅមុខបន្ទប់ទឹកក្នុងការិយាល័យប៉ុន្ដែពុំដឹងស្លាប់នៅម៉ោងប៉ុន្មាននោះទេ ។ បុគ្គលិក ជាសន្ដិសុខដែលបានចងកសម្លាប់ខ្លួន នេះឈ្មោះ ប៉ែន ដានី អាយុ៤៨ឆ្នាំ មាន ស្រុកកំណើតនៅខេត្ដតាកែវ បច្ចុប្បន្ន ស្នាក់នៅនិងធ្វើជាសន្ដិសុខឯកជនយីហោ ខេមបូឌាន ជីអូអេហ្វ ស៊ីឃ្យូរីធី ខូអិល ធីឌី មានទីតាំងស្ថិតក្នុងភូមិ២ សង្កាត់ លេខ២ ក្រុង-ខេត្ដព្រះសីហនុ ។
ជុំវិញការធ្វើអត្ដឃាតនេះបើយោង តាមប្រភពពីបុគ្គលិកធ្វើការងារជាមួយគ្នាបានអះអាងថា ការចងកនេះប្រហែល មកពីជនរងគ្រោះមានបញ្ហាក្នុងគ្រួសារ ព្រោះមួយរយៈចុងក្រោយនេះជនរងគ្រោះតែងតែនិយាយថា នឹកប្រពន្ធដែលនៅ បែកគ្នាហើយខ្លាចគេ(ប្រពន្ធ)បែកពីខ្លួននិងចង់ឱ្យប្រពន្ធមករស់នៅជិតតែប្រពន្ធមិនព្រម ។
លោក សែជូ សិទ្ធិជោតិ អនុប្រធាន មន្ទីរសុខាភិបាលទទួលបន្ទុកពិនិត្យសាកសពបានបញ្ជាក់ថា ជនរងគ្រោះពិតជា ស្លាប់ដោយសារចងកប្រាកដមែនហើយជនរងគ្រោះបានយកក្រមាក្រឡាការ៉ូចងផ្អោបទៅនឹងបង្កាន់ដៃជណ្ដើរមុខបន្ទប់ ទឹកដោយឡើងជាន់លើបាវអង្ករ ។
ក្រោយពិនិត្យសាកសពរួចសមត្ថ កិច្ចបានប្រគល់សពឱ្យម្ចាស់ក្រុមហ៊ុន តម្កល់សពទុករង់ចាំសាច់ញាតិមកទទួល យកទៅធ្វើបុណ្យតាមប្រពៃណី ៕
ដោយ៖ ឆ្លាមសមុទ្រ
