ភ្នំពេញ៖ បុរសកម្មកររោងចក្រម្នាក់ ពេលទំនេរពីការងារឆ្លៀតរត់ម៉ូតូឌុបត្រូវបានជនសង្ស័យមានគ្នា២នាក់ហៅអោយឌុបរួចបបួលហូបស្រាបន្លំដាក់ថ្នាំរួចយកម៉ូតូទៅបាត់ ។
ហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀល ថ្ងៃទី២៣ ខែតុលា ឆ្នាំ២០១៥ ស្ថិតនៅចំណុចហាងយីហោ ចាន់ តី ជិតវត្តអង្គតាមិញ ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះ លន់ វិរះ ភេទប្រុស អាយុ២៣ឆ្នាំ មុខរបរធ្វើការរោងចក្រ ស្នាក់នៅសង្កាត់ចោមចៅ ខណ្ឌពោធិ៍សែន មានស្រុកកំណើតនៅភូមិពោធិ៍តាមុំ ឃុំសូយជ្រុំ ស្រុកបារាយ ខេត្តព្រៃវែង ។
តាមសំដីជនរងគ្រោះបានអោយដឹងថា ដោយសារតែទំនេរពីការងាររោងចក្រ រួបគាត់បានឆ្លៀតពេលរត់ម៉ូតូឌុប នៅចំណុចលូប្រាំ បន្ទាប់មក ក៏មានបុរស២នាក់បានអោយគាត់ឌុបទៅម្តុំផ្សារហេងលី ខណៈឌុបមកដល់ចំណុចហាងចាន់តី ជនសង្ស័យក៏បបួលរួបគាត់ចូលផឹងស្រា ពេលនោះរួបគាត់បានបានប្រកែកព្រោះមិនចេះផឹកស្រា តែជនសង្ស័យក៏យកទឹកក្រូចអោយផឹក ពេលផឹកអស់មួយកំប៉ុង ស្រាប់តែសន្លប់លែងដឹងខ្លួនតែម្តង ។ ក្រោយមកពេលដឹងខ្លួនស្រាប់តែបាត់ម៉ូតូ និងជនសង្ស័យ ទើបគាត់ហៅម៉ូតូឌុបជិះមកផ្ទះវិញ ។
ជនរងគ្រោះបានបន្តថា ម៉ូតូដែលត្រូវគេដាក់ថ្នាំយកទៅនោះម៉ាកហុងដាសេរីឆ្នាំ២០១៥ ពណ៍ខ្មៅ ពាក់ស្លាកលេខ ភ្នំពេញ 1FF 3659 ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅទីស្នាក់ការនគបាលប៉ុស្តិ៍ចោមចៅដើម្បីងាយស្រួលស្រវជ្រាវតាមរយះស្លាកលេខម៉ូតូ ៕
ដោយ៖ សុខា សែនជ័យ
