ភ្នំពេញ៖ សិស្សវិទ្យាល័យបាក់ទូកវ័យក្មេងម្នាក់សម្រេចចិត្តចង.កសម្លាប់ខ្លួនស្លាប់នៅក្នុងផ្ទះរបស់ខ្លួនបង្កឱ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៥ តុលា នៅចំណុចផ្ទះលេខ៤៤ ផ្លូវ២២៧ សង្កាត់ផ្សារដើមគរ ខណ្ឌទួលគោក។
សមត្ថកិច្ចបានប្រាប់អោយដឹងថា យុវសិស្សដែលចង.កស្លាប់ឈ្មោះ ហ៊ត សីហា ភេទប្រុស អាយុ១៧ឆ្នាំ រៀនថ្នាក់ទី១១ វិទ្យាល័យបាក់ទូក។
យោងតាម បងស្រីជនរងគ្រោះឈ្មោះហ៊ត គឺមហ៊ាង ជាសិស្សរៀននៅវិទ្យាល័យបាក់ទូកជាមួយគ្នាបានឱ្យដឹងថា មុនពេលកើតហេតុនាងបានធ្វើដំណើរចេញទៅរៀនកួរនៅសាលា លុះពេលត្រឡប់មកផ្ទះវិញឃើញទ្វារផ្ទះត្រូវប្អូនប្រុសចាក់សោពីក្នុងហើយហៅមិនឭឆ្លើតសោះ ពេលនោះនាងមានការសង្ស័យក៏ហៅអ្នកជិតខាងជួយអើតមើលតាមបង្អួតទៅឃើញប្អូនប្រុសរបស់នាងចង.កស្លាប់បាត់ទៅហើយ។
បងស្រីជនរងគ្រោះបានឱ្យដឹងទៀតថា មូលហេតុដែលប្អូនប្រុសរបស់នាងចង.កសម្លាប់ខ្លួននេះដោយសារតូចចិត្តឪពុកចេះតែស្តីបន្ទោសណែនាំរឿងលេងហ្គេមកុំព្យូទ័រ។ បន្ទាប់ពីធ្វើអត្តឃាតជនរងគ្រោះបានបន្សល់ទុកលិខិតបណ្តាំចំនួន៣សន្លឹកបញ្ជាក់ថា រូបគេតូចចិត្តរស់នៅក្នុងគ្រួសារគ្មានភាពកក់ក្តៅចុះ ៕
ដោយ៖ ស ដារ៉ា
