ខេត្ដស្វាយរៀង៖ យុវជន៣នាក់ត្រូវ បានសមត្ថកិច្ចនគរបាលឃាត់ខ្លួននៅផ្ទះសំណាក់មួយកន្លែងនៅក្រុងស្វាយរៀង បន្ទាប់ពីឆែកឆេររកឃើញថ្នាំញៀនមួយចំនួនកាលពីថ្ងៃទី២៤ ខែតុលា ឆ្នាំ ២០១៥វេលាម៉ោង១០និង៥០នាទីព្រឹក នៅភូមិចុងព្រែក សង្កាត់-ក្រុងស្វាយ រៀង ។
សមត្ថកិច្ចនគរបាលបានឱ្យដឹងថា ជន សង្ស័យទី១-ឈ្មោះសុខ សុវណ្ណធារស់ ភេទប្រុស អាយុ២២ឆ្នាំ មុខរបរនិស្សិត មានទីលំនៅភូមិកណ្ដាល សង្កាត់ចេក ក្រុងស្វាយរៀង,២-ឈ្មោះគឹម សុភ័ក្រ ភេទប្រុស អាយុ១៩ឆ្នាំ មុខរបរកម្មករ រស់នៅភូមិព្រៃឆ្លាក់ សង្កាត់ព្រៃឆ្លាក់ ក្រុងស្វាយរៀងនិងទី៣-ឈ្មោះជៀម រ៉ាវីន ភេទប្រុស អាយុ១៧ឆ្នាំ មុខរបរមិនពិត ប្រាកដ មានទីលំនៅរាជធានីភ្នំពេញ។
សមត្ថកិច្ចនគរបាលបន្ដថា ដោយ មានការសង្ស័យកម្លាំងនគរបាលក្រុង ស្វាយរៀងក៏បានសហការជាមួយនគរ បាលប៉ុស្ដិ៍រដ្ឋបាលនិងអាជ្ញារធរសង្កាត់ស្វាយរៀងចុះឆ្មក់ចូលឆែកឆេរផ្ទះសំណាក់ យីហោ “សុខភាព” ក្នុងបន្ទប់លេខ៥ ឃាត់ខ្លួនជនសង្សយ័បាន៣នាក់តែម្ដង ។
សមត្ថកិច្ចបានឆែកឆេររកឃើញសម្ភារ សម្រាប់ប្រើប្រាស់គ្រឿងញៀនមួយចំនួនដូចជាថង់បា្លស្ទិកដាក់គ្រឿងញៀន២និងដបទឹកសុទ្ធ១១ដបនិងបញ្ជូនជនសង្ស័យ ទៅធ្វើតេស្ដទឹកនោមបានរកឃើញថា ជនសង្ស័យទាំង៣នាក់គឺមានសារធាតុ ញៀននៅក្នុងខ្លួន។
ជនសង្ស័យទាំង៣នាក់ត្រូវបានសមត្ថ កិច្ចកសាងសំណុំរឿងបញ្ជូនទៅសាលា ដំបូងខេត្ដស្វាយរៀងចាត់ការតាមច្បាប់ ៕
ដោយ៖ យឹម សុថាន
