ខ្វះមនុស្សវាយប្រហារគ្រាប់បែកអត្ដឃាត ក្រុមអ៊ិស្លាមបង្កើតរដ្ឋសម្រេច បណ្ដុះបណ្ដាលក្រុមស្ដ្រីមួយក្រុមសម្រាប់ វាយប្រហារគ្រាប់បែកអត្ដឃាតនៅក្នុងប្រទេសស៊ីរី ពិសេសទៅលើកម្លាំងទាហាន រុស្ស៊ី។
សារព័ត៌មាន Raqqa បានផ្សាយថា ក្រុមIS កំពុងតែហ្វឹកហាត់ស្ដ្រីមួយ ក្រុមសម្រាប់វាយប្រហារគ្រាប់បែកអត្ដ ឃាត ។ ស្ដ្រីអេហ្ស៊ីបម្នាក់ត្រូវក្រុមIS សន្យាថា នឹងផ្ដល់ប្រាក់មួយចំនួនធំ ប្រសិនបើនាង ជាមួយស្វាមីអាចឡើង ទៅកាន់ឋានសួគ៌តាមរយៈការវាយ ប្រហារគ្រាប់បែកអត្ដឃាត។
ប្រភពព័ត៌មានបានឱ្យដឹងថា ក្រុមវាយ ប្រហារគ្រាប់បែកអត្ដឃាតស្ដ្រីនោះអាច សម្រេចបានគោលដៅច្រើនជាងបុរស ដោយសារតែសត្រូវមិនសូវសង្ស័យ ។
ក្រុមសិទ្ធិមនុស្សស៊ីរីបានឱ្យដឹងថា IS អាចប្រើប្រាស់ក្រុមស្ដ្រីមកពីកងពល Al Khansaa ដែលមានភាគច្រើនជា ស្ដ្រីមកពីបរទេស ក្នុងនោះមានជនជាតិ អង់គ្លេសផងដែរ សម្រាប់វាយប្រហារ ។ គម្រោងខាងលើរបស់ក្រុមIS បង្កការ ព្រួយបារម្ភយ៉ាងខ្លាំងដោយសាតែស្ដ្រីទាំង នោះជាជនបរទេសអាចបន្លំខ្លួនចូលក្នុងទីប្រជុំជនវាយប្រហារបានយ៉ាងងាយស្រួល។
ស្ដ្រីម្នាក់ឈ្មោះ Farah រស់នៅតំបន់ Raqqa បានឱ្យដឹងថា នាងត្រូវបានក្រុមIS បញ្ចុះបញ្ចូល ដោយនិយាយថា ត្រូវការ ស្ដ្រីដើម្បីធ្វើសង្គ្រាមការពារទីតាំងដែលក្រុមIS គ្រប់គ្រង ។ នាង Farah ក៏បាន បញ្ជាក់ដែរថា ការពារទីក្រុង Raqqa គឺជាតួនាទីរបស់នាង។
សកម្មភាពខាងលើបានបង្ហាញយ៉ាង ច្បាស់ថា ក្រុមIS កំពុងតែព្រួយបារម្ភ ខ្លាចបាត់បង់ទីក្រុង Raqqa ក្រោយពេល ដែលកម្លាំងទាហានអាកាសរុស្ស៊ីបើក ការវាយប្រហារទៅលើទីតាំងជាច្រើន របស់ក្រុមនេះ។
ពាក់ព័ន្ធនឹងការវាយប្រហាររបស់ រុស្ស៊ីនោះដែរ ក្រសួងការពារជាតិរុស្ស៊ី បានបញ្ជាក់ថា ក្នុងរយៈពេល៣ថ្ងៃកន្លង មកទាហានអាកាសរុស្ស៊ីបានវាយប្រហារ កម្ទេចទីតាំងចំនួន២៨៥នៅក្នុងប្រទេសស៊ីរី។
ក្នុងរយៈពេល៣ថ្ងៃកន្លងមកយន្ដហោះ ចម្បាំងរុស្ស៊ីបានបើកការវាយប្រហារដល់ ទៅ១៦៤លើក កម្ទេចគោលដៅ២៨៥ ក្នុងនោះមានឃ្លាំងគ្រាប់របស់ក្រុមអ៊ិកស្លាម បង្កើតរដ្ឋផងដែរ ៕
ប្រែសម្រួល៖ ម៉ែវ សាធី
