ភ្នំពេញ៖ ជនសង្ស័យចំនួន៤នាក់ត្រូវបានកម្លាំងកងរាជអាវុធហត្ថខណ្ឌដូនពេញឃាត់ខ្លួន និងដកហូតថ្នាំញៀនមួយចំនួន ។ ប្រតិបត្តិកានេះបានធ្វើឡើងកាលពីវេលាម៉ោងម៉ោង១៨ ថ្ងៃទី២៧ ខែតុលា ឆ្នាំ២០១៥ នៅចំណុចផ្លូវឌឿងហែម ភូមិ១០ សង្កាត់ផ្សារថ្មីទី៣ និងប្លុកតាន់ប៉ា ខណ្ឌដូនពេញ ។
ជនសង្ស័យដែលប្រើប្រាស់គ្រឿងញៀនខាងលើទី ១.ឈ្មោះ ខឹម គុយសៀ ហៅអាយួន ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់ផ្ទះលេខ៩៣ ផ្លូវ១០៧ សង្កាត់អូរឫស្សីទី៤ ខណ្ឌ៧មករា ទី ២.ឈ្មោះ ធី រ៉ាវី ភេទប្រុស អាយុ២២ឆ្នាំ មុខរបរនិងទីលំនៅមិនពិតប្រាកដ ទី៣.ឈ្មោះ ខឹម តឿ ភេទប្រុស អាយុ២៧ឆ្នាំ មុខរបរមិនទីលំនៅមិនពិតប្រាកដទី ៤.ឈ្មោះ អែម ពន្លឺ ភេទប្រុស អាយុ៣៤ឆ្នាំ មុខរបរនិងទីលំនៅមិនពិតប្រាកដ។
ក្នុងប្រត្តបត្តិការណ៍នេះបានដឹកនាំដោយលោកអនុសេនីយ៍ឯក លី គឹមឡេង មេបញ្ជាការរង អាវុធហត្ថខណ្ឌដូនពេញ ដោយមានការចង្អុលបង្ហាញពី លោកវរះសេនីយ៍ទោ ថោង ពិសិដ្ឋ មេបញ្ជាការ អាវុធហត្ថខណ្ឌដូនពេញ កម្លាំងកងរាអាវុធហត្ថបានឆែកឆេរកឃើញថ្នាំញៀន-ក្រាមពណ៌សថ្លា ចំនួន១កញ្ចប់ធំ(ទំងន់៣ជី)និង១កញ្ចប់តូចម្សៅ ពណ៌សថ្លាចំនួន០១កញ្ចប់តូច។ស៊ីរាំងសម្រាប់ចាក់ចំនួន៥១ កន្ត្រៃចំនួន៩ កូនកាំបិទ ចំនួន០៣ ទូរស័ព្ទ ចំនួន០១គ្រឿងដែកកេះ ចំនួន១០ លុយ ៨០០០រៀល តំបងឈើចំនួន០១ ទីបដែកចំនួន០៣ ទឹកថ្នាំ សថ្លាចំនួន០៦ដបតូច ម៉ូតូចំនួន០១គ្រឿងម៉ាកហុងដាធូដេ ពណ៌ប្រផេះ គ្មានស្លាកលេខ និងឧបករណ៍សំរាប់សេពគ្រឿងញៀនមួយចំនួន។
បច្ចុប្បន្ន ជនសង្ស័យខាងលើត្រូវបានកម្លាំងកងរាជអាវុធហត្ថខណ្ឌដូនពេញបញ្ជូនទៅអាវុធហត្ថរាជធានីភ្នំពេញដើម្បីកសាងសំណុំរឿងបញ្ជូនទៅតុលាការចាត់កាបន្ត ៕
ដោយ៖ ព្រែកជ័យ
