ភ្នំពេញ៖ មានការប្រទះឃើញបុរសម្នាក់ដេកស្លាប់នៅក្នុងរោងចាំដីឡូត៍មួយកន្លែង នៅសង្កាត់ព្រែកតាសេក បង្កឲ្យមានការភ្ញាក់ឡើងដល់ប្រជាពលរដ្ឋរាយការណ៍ទៅសមត្ថកិច្ចចុះទៅពិនិត្យនៅកន្លែងកើតហេតុ ។
ហេតុការណ៍នេះកើតឡើងកាលពីម៉ោង ៦និង១៥ព្រឹក ថ្ងៃទី២៨ ខែតុលា ឆ្នាំ២០១៥ ស្ថិតនៅក្នុខ្ទមចាំដីឡូត៍មួយកន្លែង នៅតាមផ្លូវលំ ក្រុម៣ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វា។
សមត្ថកិច្ចនគរបាលមូលដ្ឋានបានឲ្យដឹងថា ជនរងគ្រោះខាងលើមានឈ្មោះលឿង ផាងលី ហៅម៉ាង អាយុ៥២ឆ្នាំ ជាអតីតមន្ត្រីប៉ូលិសស្រុកមុខកំពូល បច្ចុប្បន្នជាអ្នករត់ម៉ូតូឌុប ស្នាក់នៅជាមួយបងប្អូននៅផ្ទះលេខ៤៨ ភូមិខ្ទរ សង្កាត់ព្រែកលៀប ខណ្ឌជ្រោយចង្វា។
តាមប្រភពព័តមានពីរម្ចាស់រោងចាំស្រែឈ្មោះ យ៉ង់សារឿនភេទប្រុសអាយុ57 មានមុខរបរធ្វើស្រែមានទីនៅភូមិកើតហេតុខាងលើបានអោយដឹងថាមុនប្រះឃើញសាកសពរូបគាត់បានដឹកគោចេញពីផ្ទះមកចងក្បែរោងខាងលើហើយរូបគាត់បានចូលទៅយកខ្សែគោដែលគាត់ទុកនៅក្នុងរោងខាងលើខណៈដើរចូលទៅដល់ក្នុងរោងស្រាប់តែឃើញសាកសពជនរងគ្រោះដេកស្លាប់ផ្ងារពាក់អាវភ្លៀងពណ៍លឿង និងមានស្នាមបែកក្បាលខាងក្រោយហើយបង្កអោយមានការផ្ញាក់ផ្អើដល់អ្នកភូមិមកចោមរោមមើលភ្លាមនោះរូបគាត់ទៅរាយការណ៍ទៅសម្ថកិច្ចអោយចុះមកពិនិត្យនៅកន្លែងកើតហេតុ។
តាមប្រភពពីប្អូនថ្លៃឈ្មោះឃឹម វុទ្ធីភេទប្រុសអាយុ45ឆ្នាំមុរបររត់កង់បីមានទីលំនៅភូមិខ្ទរសង្កាត់ព្រែកលៀបខណ្ឌជ្រោយចង្វាបានអោយដឹងថាបងថ្លៃរបស់គាត់ចេញរត់ម៉ូតូឌុបនៅម៉ោង4ទាបភ្លឺរហូតដល់ម៉ោង4ទៅ5ល្ងាចទើបគាត់ចូលផ្ទះវិញហូបបាយតែនៅថ្ងៃកើតហេតុបងរបស់គាត់បានចេញទៅរត់ម៉ូតូដូចសពដងហើយម៉ោង11ថ្ងៃទី27 ខែតុលា ជនរងគ្រោះបានមកផ្ទះគាត់ហូបបាយ ៕ នៅពេលហូបរួចបានចេញទៅរតម៉ូតូបាត់រហូតដល់ម៉ោង6ល្ងាចមិនឃើញបងថ្លៃត្រឡប់មកផ្ទះ។ លុះព្រឹកឡើងថ្ងៃទី២៨ តុលា នេះមានដំណឹងថា មានគេប្រទះឃើញសពក៏មានការភ្ញាក់ផ្អើលនាំគ្នាមកមើលទើបដឹងថា ជាជនរងគ្រោះ។
ប្រភពបញ្ជាក់ថា ជនរងគ្រោះបាត់ម៉ូតូមួយគ្រឿងម៉ាកហុងដាឌ្រីម C125 ស៊េរីឆ្នាំ២០១១ មួយគ្រឿង។
ក្រោយពេលកើតហេតុសមត្ថកិច្ចធ្វើកោសល្យវិច្ច័យរួច ប្រគល់សពឲ្យក្រុមគ្រួសារយកទៅធ្វើបុណ្យនៅវត្តខ្ទរតាមប្រពៃណី ៕
ដោយ៖ ជ្រោយពេជ្រ
