ភ្នំពេញ៖ កម្លាំងនគរបាលនៃ អធិការដា្ឋននគរបាលខណ្ឌឫស្សីកែវបានបើកប្រតិបត្តិការបង្ក្រាបទីតាំងកត់ឆ្នោតមួយកន្លែងដោយឃាត់បានមនុស្ស៤នាក់ និងរឹបអូសវត្ថុតាងបានមួយចំនួន ។
ប្រតិបត្តិការនេះបានប្រព្រឹត្តទៅកាលពីវេលាម៉ោង២និង៣០នាទីរសៀលថ្ងៃទី២៧ខែតុលា២០១៥នៅផ្ទះលេខ១៦ផ្លូវលេខ៩០៧បុរីណៃសុវណ្ណ ក្នុងភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។
សមត្ថកិច្ចបានឲ្យដឹងថា មនុស្ស៤នាក់ដែលពាក់ព័ន្ធលេងកន្ទុយលេខហើយត្រូវឃាត់ខ្លួននោះមានឈ្មោះ១-ឡុងចាន់ធារីភេទស្រីអាយុ៣០ឆ្នាំ.២.ឡា គាភេទប្រុសអាយុ៣៦ឆ្នាំ. ៣.ជ្រឹង ឆេងម៉េងភេទស្រីអាយុ៣០ឆ្នាំនិង៤. ឈ្មោះជៀម សុផាតភេទស្រីអាយុ៦២ឆ្នាំ។អ្នកទាំង៤ស្នាក់នៅចំណុចកើតហេតុខាងលើ។
សមត្ថកិច្ចឲ្យដឹងទៀតថា បន្ទាប់ពីស្រាវជ្រាវដឹងថាទីតាំងខាងលើមានបើកកន្លែងកត់ ឆ្នោតយ៉ាងគគ្រឹកគគ្រេងដោយក្នុងមួយថ្ងៃកត់បានចាប់ពី២ទៅ៣លានរៀល ទើបកម្លាំងព្រហ្មទណ្ឌ ខណ្ឌឬស្សីកែវបានចុះទៅទៅបង្ក្រាបឃាត់ខ្លួនបាន៤នាក់ក្នុងនោះមានម្នាក់ជាមេកត់ឆ្នោតឈ្មោះឡុងចាន់ធារី ព្រមទាំងដកហូតបានលុយក្រដា សកត់កន្ទុយលេខនិងតុសម្រាប់កត់កន្ទុយលេខជាច្រើនយកទៅសួរនាំនៅអធិការដ្ឋានខណ្ឌឫស្សីកែវ ។
បច្ចុប្បន្នជនសង្ស័យចំនួន៤នាក់ រួមទាំងវត្ថុតាងត្រូវបានបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីកសាងសុំណុំរឿងបញ្ជូនទៅសាលាដំបូងរាជថានីចាត់ការតាមផ្លូវច្បាប់ ៕
ដោយ៖ អរុណរះ
