ភ្នំពេញ៖ សម្តេចតេជោ ហ៊ុន សែនបានថ្លែងក្នុងពិធីជួបសំណេះសំណាលជាមួយអ្នកសារព័ត៍មានជាង៣០០០នាក់ថា៖ ខ្ញុំចង់បានស្ថាប័នព័ត៌មានទាំងរដ្ឋ និងឯកជន គឺជាកញ្ចក់ថ្លាឆ្លុះបញ្ចាំងការពិត និងមានតម្លារភាពក្នុងសង្គម បច្ចុប្បន្ន ជាពិសេសក្នុងពេលវេលាដែលខ្ញុំកំពុងកាន់កាប់តំណែងជានាយករដ្ឋមន្រ្តី។

សម្តេចតេជោ ហ៊ុន សែន បន្តថា៖ ខ្ញុំចង់បានព័ត៌មានច្បាស់លាស់ ដែលផ្តល់ព័ត៌មានពិតប្រាកដជឿទុកចិត្តបាន នឹងមានការពន្យល់ច្បាស់លាស់ទៅកាន់ប្រជាពលរដ្ឋអោយបានដឹងពិតប្រាកដគ្រប់ៗគ្នា។ ទន្ទឹមនឹងនេះ ខ្ញុំក៏ចង់បានសារព័ត៌មានដែលចេះចូលរួមជួយរិះគន់ស្ថាបនាពិតប្រាកដដល់សង្គមជាតិ រួមទាំងគោលនយោបាយរដ្ឋាភិបាលតាមក្រសួងនានាដែលបានដាក់ចេញតើបានធ្វើមានប្រសិទ្ឋភាពដល់កម្រិតណា និងចូលរួមផ្សព្វផ្សាយពីការរីកចម្រើនពិតប្រាកដរបស់ប្រទេសជាតិយើងផងដែរ៕

ដោយ៖ សុខ ខេមរា