ខេត្តកំពង់ឆ្នាំង៖ ប្រជាពលរដ្ឋនៅភូមិស្វាយគយ ឃុំពន្លៃ ស្រុកបរិបូរណ៍ ជាច្រើនគ្រួសារបានរិះគន់ចំពោះកសិដ្ឋានចិញ្ចឹមទាមួយកន្លែង ដែលបានធ្វើប៉ះពាល់នូវបរិស្ថានរស់នៅរបស់ពួកគាត់ ដោយសារតែអាចមន៍ទាដែលបង្ហូរចេញពីកសិដ្ឋាននេះធ្វើអោយក្លិនស្អុយយ៉ាងខ្លាំង ហើយអាចម៍ទាមួយចំនួនបានហូរក្បែរអណ្តូងលូដែលពួកគាត់ប្រើប្រាស់សម្រាប់ប្រចាំថ្ងៃ ។
ប្រជាពលរដ្ឋបានអោយដឹងទៀតថា ម្ចាស់កសិដ្ឋាននេះមានឈ្មោះគឹម សារ៉េត ដែលបានចិញ្ចឹមសត្វទានេះជាយូណាស់មកហើយ បច្ចប្បន្នម្ចាស់កសិដ្ឋានមួយនេះបានចិញ្ចឹមទារាប់ពាន់ក្បាល ប៉ុន្តែគ្មានកន្លែងរណ្តៅសម្រាប់ទុកអាចម៍ទានោះទេ បង្ហូរពាសវាលពាល ធំខ្លិនសុយពេញទាំងភូមិ ដែលធ្វើអោយប៉ះពាល់ដល់បរិស្ថានរស់នៅរបស់ប្រជាពលរដ្ឋនៅម្តុំនេះផងដែរ ។ ហើយអ្វីដែលសំខាន់នោះគឺ ជ្រាបទឹកអាចម៍ទានេះចូលទៅក្នុងអណ្តូង ដែលប្រជាពលរដ្ឋពួកគាត់បានប្រើជាប្រចាំ សម្រាប់យកមកហូប ដាំស្ល និងប្រើប្រាស់ផ្សេងៗទៀត ។
ទោះជាមានការរអ៊ូរទាំពីប្រជាពលរដ្ឋយ៉ាងណាក៍ដោយក៍ឈ្មោះគឹម សារ៉េត ដែលជាម្ចាស់កសិដ្ឋាននេះ មិនដែលខ្វល់ទេ គឺគិតធ្វើយ៉ាងណាអោយតែមានផលប្រយោជន៍ខ្លួនឯងតែប៉ុណ្ណោះ។
ករណីនេះប្រជាពលរដ្ឋសូមអោយអាជ្ញាធរស្រុកបរិបូរណ៍មេត្តាចុះមកពិនិត្យមើលកសិដ្ឋានចិញ្ចឹមទាមួយនេះផង បើទុកនៅដូចរាល់ថ្ងៃនោះពួកគាត់ចង់ទ្រាំលែងបានហើយ នឹងខ្លិនរបស់អាចម៍ទានេះ និង មានរុយរោមយ៉ាងច្រើនផងដែរ ៕
ដោយ៖ ចន្ថា
