ខេត្តស្វាយរៀង ៖ លោក សៅ សុខា សមាជិកគណៈកម្មាធិការកណ្តាល គណបក្ស ប្រជាជនកម្ពុជា អនុប្រធានក្រុមការងារ គណៈកម្មាធិការកណ្តាល គណបក្សប្រជា ជនកម្ពុជា ចុះជួយខេត្តស្វាយរៀង និងជាប្រធានក្រុមការងារចុះជួយស្រុករមាសហែក នៅព្រឹកថ្ងៃទី២៧ ខែមករា ឆ្នាំ២០១៨ នេះបានអញ្ជើញផ្សព្វផ្សាយសេចក្តីសម្រេចចិត្តនៃមហាសន្និបាតវិសាមញ្ញតំណាង ទូទាំងប្រទេស របស់គណបក្សប្រជាជន កម្ពុជាជូនសមាជិក សមាជិកាគណបក្សនៅស្រុករមាសហែក។
ពិធីនេះក៏មានការអញ្ជើញចូលរួមពី សំណាក់លោក លោកស្រី សមាជិកថ្នាក់ កណ្តាល ថ្នាក់ខេត្ត ថ្នាក់មូលដ្ឋាន ព្រមទាំង សមាជិក សមាជិការចំនួន៥៧៤នាក់ ផងដែរ ។
សូមបញ្ជាក់ថា នៅថ្ងៃទី១៩-២១ ខែមករា ឆ្នាំ២០១៨កន្លងទៅនេះ គណ បក្សប្រជាជនកម្ពុជា បានបើកមហាសន្និបាតវិសាមញ្ញតំណាងទូទាំងប្រទេស ដើម្បីពិនិត្យលទ្ធផលការងារដែលសម្រេចបាន ក្នុង អាណត្តិចាស់ឆ្នាំ២០១៣-២០១៨ និង ដាក់ចេញទិសដៅការងារ ក៏ដូចក្របខណ្ឌ នយោបាយថ្មីសម្រាប់ឆ្នាំ២០១៨-២០២៣ ក្រោមអធិបតីភាពសម្តេចតេជោ ហ៊ុន សែន ប្រធានគណបក្ស និងសម្តេចពញា ចក្រ ហេង សំរិន ប្រធានកិត្តិយសគណបក្ស ដោយសម្តេចនូវចំណុចធំៗចំនួន៧សម្រាប់ឲ្យសមាជិកសមាជិកនៅទូទាំងប្រទេស អនុវត្តសម្រាប់ឆ្នាំទៅមុខទៀត៕
