យោងតាមសមត្ថកិច្ចនគរបាលក្រុងបាវិតបានប្រាប់កាសែតនគរវត្តថាម៉ូតូដែលបង្កហេតុម៉ាកហុងដាសេ១០០ ពណ៌ព្រីងទុំ គ្មានស្លាកលេខបើកបរដោយឈ្មោះញឹមសាវីអាយុ២៨ឆ្នាំមុខរបរកម្មករសំណង់មានទីលំនៅភូមិថ្នល់ទទឹង សង្ការ់ច្រកម្ទេសក្រុងបាវិត។

ប្រភពបន្តថាចំពោះភាគីម៉ូតូរងគ្រោះម៉ាកហុងដាសេ១២៥ពណ៏ខ្មៅគ្មានស្លាកលេខបើកបរដោយឈ្មោះហែម ដួង អាយុ៤៩ឆ្នាំ មុខរបរតាបែងឃុំគោកព្រីងស្រុកស្វាយជ្រំនិងអ្នករួមដំណើរម្នាក់មានឈ្មោះម៊ិនកូលីនអាយុ៤៩ឆ្នាំមុខរបរកសិករមានទីលំនៅជាមួយគ្នា។

ចំណែកអ្នកដើរថ្មើរជើងមានឈ្មោះញឺមរំដួលភេទស្រីអាយុ២៥ឆ្នាំមុខរបរកម្មការិនីរោងចក្រមានទីលំនៅភូមិព្រៃភ្នៀតឃុំសំឡីស្រុកកំពង់រោទ៏រងរបួសស្រាល។

តាមសាក្សីបានអោយដឹងថាមុនកើតហេតុមានម៉ូតូមួយគ្រឿងម៉ាកហុងដាសេ១០០ពណ៏ព្រីងទុំគ្នានស្លាកលេខបើកបរដោយបុរសម្នាក់ក្នុងទិសដៅពីលិចមកកើតលើផ្លូវជាតិលេខ១មិនប្រកាន់ស្ដាំស្រាប់តែទៅបុកនិងអ្នកដើរថ្មើរ ជើងរួចជ្រុលទៅបុកនិងម៉ូតូមួយគ្រឿងទៀតជិះគ្នា២នាក់ក្នុងទិសដៅបញ្រាស់គ្នាពេញទំហឺងលាន់សូរដូចរន្ទះបណ្ដាលអោយបុរសឈ្មោះញឹមសាវីបោកក្បាលនិងថ្នល់ហូរឈាមសន្លប់ស្ដូកស្ដឹងនិងកន្លែង។

ក្រោយពីអ្នកភូមិបានរាយការណ៏មកសមត្ថកិច្ចមូលដ្ឋានយកភាគីទាំងសងខាងមកកាន់មន្ទីពេទ្យបង្អែកជីភូក្រុងបាវិតព្រមទាំងធ្វើការវាស់វែងនុិងអូសវត្ថុតាងម៉ូតូទាំង២គ្រឿងមកកាន់ប់ុស្ត័រដ្ឋបាលសង្កាត់ច្រកម្ទេសចាត់ការបន្តតាមច្បាប់ ៕ យឹម សុថាន