ភ្នំពេញ៖ អ្នករត់រ៉ឺម៉កកង់បីម្នាក់ត្រូវបានកម្លាំងកងរាជអាវុធហត្ថមូលដ្ឋានខណ្ឌមានជ័យឃាត់ ខ្លួនកាលពីវេលាម៉ោង៩និង៣០នាទីយប់ ថ្ងៃទី២៩ ខែតុលា ឆ្នាំ២០១៥ នៅចំណុចភូមិដំណាក់ធំ ១ សង្កាត់ស្ទឹងមានជ័យ ខណ្ឌមានជ័យ ក្នុងករណីរក្សាទុកសារធាតុញៀនចំនួន១៨កញ្ចប់តូច ។
កម្លាំងល្បាតកងរាជអាវុធហត្ថខណ្ឌមានជ័យបានប្រាប់ថា ជនសង្ស័យមានឈ្មោះ យ៉ាង វណ្ណា ភេទប្រុស អាយុ៣១ឆ្នាំ មុខរបររត់ម៉ូតូរ៉ឺម៉កកង់៣ ស្នាក់នៅភូមិដំណាក់ធំ១ សង្កាត់ស្ទឹងមាន ជ័យ ខណ្ឌមានជ័យ។ ក្នុងនោះកម្លាំងសមត្ថកិច្ចកងរាជអាវុធហត្ថដកហូតវត្ថុតាងមាន៖ ម្សៅក្រាម ពណ៌សថ្លាចំនួន១៨កញ្ចប់តូច ដប់សំរាប់ជក់ថ្នាំមួយ ដែកកេះ៥ ម៉ូតូ២គ្រឿងម៉ាកណៃហត ពាក់ ស្លាកលេខ ភ្នំពេញ 1B-2878 និង១គ្រឿងទៀត ម៉ាក TODAY ពាក់ស្លាកលេខកណ្តាល1P-8788 និងថង់សម្រាប់ច្រកថ្នាំមួយចំនួនធំផងដែរ។
បច្ចុប្បន្នជនសង្ស័យនិងវត្ថិតាងត្រូវបានបញ្ជូនទៅកាន់បញ្ជាការដ្ឋានកងរាជអាវុធហត្ថរាជ ធានីភ្នំពេញ ដើម្បីចាត់ការបន្តតាមច្បាប់៕
ដោយ៖ តាឡឹម
