ភ្នំពេញ៖ មហាជនបានរិះគន់ទៅ លើការរៀបចំការប្រកួតកីឡាប្រដាល់សាកលនិងប្រដាល់ក្បាច់បុរាណខ្មែរជ្រើស រើសជើងឯកថ្នាក់ជាតិឆ្នាំ២០១៥ ដែល ខុសគ្នាពីការប្រកួតជើងឯកនៅតាម បណ្ដាសង្វៀនទូរទស្សន៍នានាក្នុងស្រុក មួយរយភាគរយ ។
កាលពីល្ងាចថ្ងៃទី២៨ ខែតុលា ឆ្នាំ ២០១៥ នៅសាលដំបូលទូកក្នុងពហុកីឡ ដ្ឋានជាតិអូឡាំពិកកម្ពុជាមានរៀបចំពិធី បិទការប្រកួតជ្រើសរើសជើងឯកកីឡា ប្រដាល់សាកលនិងប្រដាល់ក្បាច់បុរាណខ្មែរមានចំនួន៧គូ ប៉ុន្ដែ១គូៗប្រកួតពុំ ដែលឆ្លងផុតទឹកទី៤នោះឡើយ ក្នុងនោះ គូទី១ត្រូវអាជ្ញាកណ្ដាលបញ្ឈប់ក្នុងទឹក ទី៣, គូទី២សន្លប់ក្នុងទឹកទី២, គូទី៣ចាញ់ ពិន្ទុ, គូទី៤សន្លប់ក្នុងទឹកទី១, គូទី៥សន្លប់ ក្នុងទឹកទី១, គូទី៦ចាញ់ពិន្ទុ និងគូទី៧ សន្លប់ក្នុងទឹកទី២ ។
អ្នកនិយមទស្សនាការប្រកួតកីឡា ប្រដាល់ក្បាច់គុនបុរាណខ្មែរដែលតែង តែគាំទ្រទៅលើកីឡាករមួយចំនួននៅ ក្នុងចំណោមកីឡាករទាំង៧គូនាថ្ងៃប្រកួត ផ្ដាច់ព្រ័ត្រនាំគ្នាងឿងឆ្ងល់ថា ចុះហេតុអ្វី បានជាប្រកួតនៅតាមសង្វៀនទូរទស្សន៍ ល្អអីល្អយ៉ាងនេះ វាយគ្នាបែកមុខបែក មាត់ក៏មិនឈប់ដែរ ។ ប៉ុន្ដែនៅពេល ប្រកួតជ្រើសរើសជើងឯកថ្នាក់ជាតិ ហេតុអ្វីបានជាពួកគេប្រកួតដូចក្មេង លេងបាយឡុកបាយឡទៅវិញ ។
ចម្លើយនៅខាងក្រោមនេះត្រូវបាន អ្នកចេះមើលកីឡាលើកឡើងថា វាជា រឿងធម្មតាទេ ប្រកួតជើងថ្នាក់ជាតិបាន លុយតិច ចំណែកឯប្រកួតនៅតាមសង្វៀន ទូរទស្សន៍នានាក្នុងស្រុកមានការឧបត្ថម ពីក្រុមហ៊ុនឯកជនបានលុយច្រើន ។ ដូច្នេះពួកគេត្រូវតែវាយឱ្យអស់ពីសមត្ថ ភាពទើបទទួលបានប្រាក់កម្រៃតម្លៃខ្លួន និងមិនជាប់ពិន័យរបស់សហព័ន្ធកីឡា ប្រដាល់កម្ពុជា ។
បញ្ហាអសកម្មខាងលើនេះបណ្ដាល មកពីកីឡាករកីឡាការិនីនិងគ្រូបង្វឹក តាមបណ្ដាក្លិបនីមួយៗមិនឱ្យតម្លៃពាន រង្វាន់របស់រដ្ឋហើយបានចាត់ទុកការ រៀបចំរបស់នាយកដ្ឋានអប់រំកាយ និង កីឡាជារឿងកាតព្វកិច្ចចេះតែបញ្ជូន អត្ដពលិករបស់ខ្លួនមកចូលរួមដើម្បី បង្គ្រប់កិច្ចតែប៉ុណ្ណោះ ។
កន្លងទៅលោក អ៊ុក សិទ្ធិជាតិ អគ្គ នាយកនៃអគ្គនាយកដ្ឋានអប់រំកាយ និង កីឡាធ្លាប់បានព្រមានទៅដល់សហព័ន្ធ កីឡាជាតិទាំងអស់ថា សមល្មមឈប់ បោកយកលុយក្រសួងចាយទៀតទៅល្មម ដល់ពេលសម្រួចសមត្ថភាពត្រៀមលក្ខណៈ ចូលរួមប្រកួតពហុកីឡា (National Games) ឆ្នាំ២០១៦ និងត្រៀមធ្វើជា ម្ចាស់ផ្ទះប្រកួតកីឡាស៊ីហ្គេមឆ្នាំ២០២៣ ៕
ដោយ៖ សារីម
