ខេត្ដពោធិ៍សាត់៖ តាមសេចក្ដីរាយការណ៍ពីប្រជានេសាទផ្ទះផែបណ្ដែតទឹក លើផ្ទៃបឹងទន្លេសាបស្ថិតក្នុងភូមិកោះក្អែក ឃុំរាំងទិល ស្រុកកណ្ដៀង ខេត្ដពោធិ៍សាត់ បានឱ្យដឹងថា លោកនាយរងប៉ុស្ដិ៍នគរបាលរដ្ឋបាលរាំងទិលប្រចាំភូមិកោះក្អែក កំពុងដើរប្រមូលលុយរាប់លានរៀលពីអ្នក ប្រកបរបរបទល្មើសនេសាទ (ឈ្នក់) ។
ប្រភពបន្ដថា លោកនាយរងប៉ុស្ដិ៍រដ្ឋ បាលរាំងទិលត្រូវបានគេស្គាល់ឈ្មោះ ចាន់ សុខា (ហៅសុខ) មកប្រចាំស្នាក់ ការនៅភូមិកោះក្អែក។ ជារៀងរាល់ឆ្នាំ លោកនាយរងខាងលើតែងតែដើរប្រមូល លុយពីអ្នកប្រកបរបរល្មើសច្បាប់ស្ដីពី ជលផលប្រភេទឈ្នក់ជាក់ស្ដែងឆ្នាំនេះ គាត់កំពុងដើរប្រមូលលុយក្នុងឈ្នក់១ (អំពូលភ្លើង១)ចំនួន១៦០.០០០រៀល បើអ្នកណាមិនឱ្យគាត់ចាប់ ។ នៅវេលា ម៉ោងប្រមាណជាង៨យប់ថ្ងៃទី២៩ ខែ តុលា ឆ្នាំ២០១៥ គាត់បានទៅចាប់ អាគុយចំនួន២គ្រឿងនិងអំពូលម៉ែត្រ២ គ្រឿងពីអ្នកដាក់ឈ្នក់ ខណៈពួកគាត់យឺត យ៉ាវរឿងលុយកាក់ ។ ចំណែកភ្លើងអំពូល ភ្លឺដូចទីក្រុងលោកសុខ ពុំបានទៅដកឬ បង្ក្រាបនោះឡើយ ។
ប្រភពបន្ដទៀតថា សព្វថ្ងៃនេះបទ ល្មើសនេសាទប្រភេទឈ្នក់នៅភូមិកោះ ក្អែកមានចំនួនជាង២០០អំពូលភ្លើង ហើយលោកនាយរងខាងលើគាត់ដើរ ប្រមូលលុយបានចំនួន៦០ភាគរយទៅ៧០ ភាគរយ ប៉ុន្ដែគេមិនដឹងថាការប្រមូល លុយខាងលើនេះគាត់យកទៅឯណាឬធ្វើអ្វីនោះឡើយ ។
ដូច្នេះករណីខាងលើនេះពួកគាត់សុំឱ្យថ្នាក់លើចុះស្រាវជ្រាវនិងពិនិត្យឱ្យបាន ច្បាស់កុំឱ្យបុគ្គលម្នាក់នេះធ្វើអ្វីគ្រប់ យ៉ាងប៉ះពាល់ថ្នាក់លើ ។ ម្យ៉ាងទៀតការ ដើរប្រមូលលុយពីបទល្មើសក៏ល្មើស ច្បាប់ដូចគ្នាដែរ ។
ពាក់ព័ន្ធនឹងការចោទពីប្រជានេសាទខាងលើ លោក ចាន់ សុខា (ហៅ សុខ) មានតួនាទីជានាយរងប៉ុស្ដិ៍នគរបាលរដ្ឋ បាលរាំងទិលហើយមកប្រចាំស្នាក់ការ នៅភូមិកោះក្អែកបានប្រាប់នគរវត្ដឱ្យ ដឹងតាមទូរស័ព្ទនៅព្រឹកថ្ងៃទី៣០នេះថា “រឿងហ្នឹងពិតមែន”ប៉ុន្ដែមិនមានចំនួន ច្រើនដូចការចោទប្រកាន់នោះឡើយ។
ដោយឡែកលោក ប៉ិច ចំរើន នាយ ប៉ុស្ដិ៍នគរបាលរដ្ឋបាលរាំងទិលបានឱ្យដឹង ថា ករណីខាងលើលោកមិនដឹងទេព្រោះ បែងចែកកម្លាំងតាមភូមិនីមួយៗ សម្រាប់ការពារសុវត្ថិភាពជូនប្រជា ពលរដ្ឋពេលមានកិច្ចប្រជុំចាំលោកសួរ ៕
ដោយ៖ ប៉ឹម ពិន
