ព្រះសីហនុ៖ យុវជនម្នាក់ដែលធ្វើសកម្មភាពលួចម៉ូតូរបស់មិត្តភ័ក្តិត្រូវប៉ូលិសឃាត់ខ្លួននៅ ព្រឹកថ្ងៃទី៣០ ខែតុលា ឆ្នាំ២០១៥ នៅចំណុចរំដួលជើងភ្នំ ស្ថិតក្នុងភូមិ៣ទំនប់រលក សង្កាត់លេខ១ ក្រុងព្រះសីហនុ ។
លោកវរសេនីយ៍ត្រី ភុល ភស្តា អធិការក្រុងព្រះសីហនុបានឱ្យដឹងថា ជនសង្ស័យដែលត្រូវឃាត់ខ្លួនឈ្មោះ ឆាយ សម្បត្តិ ហៅរ៉ា ភេទប្រុស អាយុ២២ឆ្នាំ ជាអ្នកនេសាទ មានទីលំនៅមិនពិតប្រាកដក។ ដោយសង្ស័យម្នាក់នេះបានធ្វើសកម្មភាពលួចម៉ូតូរបស់មិត្តភ័ក្តិកាលពីថ្ងៃទី១០ ខែតុលា ឆ្នាំ២០១៥ ហើយរត់គេចខ្លួនរហូត លុះព្រឹកថ្ងៃទី៣០ ខែតុលា ឆ្នាំ២០១៥ ទើបកម្លាំងប៉ូលិសនៃអធិការដ្ឋាននគរបាលក្រុងព្រះសីហនុ បានធ្វើការស្រាវជ្រាវឃាត់ខ្លួនតែម្តង ។ ហើយចំពោះម៉ូតូបាត់នោះម៉ាក់ហុងដាឌ្រីមសង សេ១២៥ ស៊េរី២០១៥ ពណ៌ខ្មៅ ពាក់ផ្លាក់លេខ ភ្នំពេញ 1EF-1124 វិញសមត្ថកិច្ចស្រាវជ្រាវយកម៉ូតូមកវិញផងដែរ ។
ក្រោយពីធ្វើការសាកសួរនៅអធិការដ្ឋាននគរបាលក្រុងព្រះសីហនុ ក៏បញ្ជូនជនសង្ស័យមកស្នងការដ្ឋាននគរបាលខេត្តព្រះសីហនុ ដើម្បីកសាងសំណុំរឿងបន្ត និងបញ្ជូនជនសង្ស័យទៅសាលាដំបូងខេត្តព្រះសីហនុ ដើម្បីផ្តន្ទាទោសតាមច្បាប់ ៕
...
ដោយ៖ បេឡា
