ភ្នំពេញ៖ បុរសជនជាតិរុស្ស៊ីម្នាក់បានដេកស្លាប់នៅក្នុងបន្ទប់ផ្ទះជួលរបស់ខ្លួន ដែលករណីនេះ បន្ទាប់ពីសមត្ថកិច្ចធ្វើកោលស្យវិច័យបានសន្និដ្ឋានថា ជនរងគ្រោះអាចប្រើប្រាស់ប្រើសារធាតុកញ្ឆារច្រើនហួសពួក ទើបបណ្តាលឲ្យស្លាប់បែបនេះ ។
ហេតុការណ៍ភ្ញាក់ផ្អើលបានកើតឡើងកាលពីវេលាម៉ោង១៨និង៣០នាទី ថ្ងៃទី៣០ ខែតុលា ឆ្នាំ២០១៥ ស្ថិតនៅចំណុចផ្ទះលេខ៦B ផ្លូវ៦០៨ហ្សេត ភូមិ១៧ សង្កាត់បឹងកក់២ ខណ្ឌទួលគោក រាជធានីភ្នំពេញ ។
សមត្ថកិច្ចដែលចុះធ្វើកោលស្យវិច័យបានបញ្ជាក់ថា ជនរងគ្រោះឈ្មោះ Ostanin dmitry អាយុ៣៩ឆ្នាំ ភេទប្រុស ជនជាតិរុស្សី ទើបតែមកស្នាក់នៅផ្ទះជួលកើតហេតុខាងលើបានរយៈពេល១៦ថ្ងៃប៉ុណ្ណោះ។
ប្រភពបន្តថា នៅមុនពេលកើតហេតុគឺកាលពីវេលាម៉ោង២២និង៣០នាទី ថ្ងៃទី២៩ ខែតុលា ឆ្នាំ២០១៥ ជនរងគ្រោះមិនដឹងជាធ្វើអ្វីនៅក្នុងបន្ទប់នោះទេ គឺលឺលាន់ក្តុងក្តាំងរបៀបដូចជាវាយទ្វារ វាយជញ្ជាំងបង្កការរំខាន់ដល់ម្ចាស់ផ្ទះជួលដែលស្នាក់នៅក្បែរ ចេញមកប្រាប់នៅម៉ោង០២និង០០នាទីទៀបភ្លឺ ថ្ងៃទី៣០ ខែតុលា ឆ្នាំ២០១៥ ថា ហេតុអ្វីបានជារំខានគេឯងបែបនេះ ហើយបើមិនឈប់ទេ ខាងម្ចាស់ផ្ទះនឹងបញ្ឍប់ការជួលស្នាក់នៅឲ្យហើយ។ ពេលនោះជនរងគ្រោះក៏បានស្ងប់ស្ងាត់ទៅវិញ រហូតមកដល់ម៉ោងកើតហេតុ ទើបដឹងថាជនរងគ្រោះបានដេកស្លាប់ ក៏រាយការណ៍មកសមត្ថកិច្ចជួយអន្តរាគមន៍។
ក្រោយពីសមត្ថកិច្ចជំនាញធ្វើកោសល្យវិច័យរួច សមត្ថកិច្ចសន្និដ្ឋានថាមកពីជនរងគ្រោះប្រើសារធាតុកញ្ឆារច្រើនហួសពួក ។
បច្ចុប្បន្នសាកសពត្រូវបានដឹកយកទៅដម្កល់នៅវត្តស្ទឹងមានជ័យ រង់ចាំខាងស្ថានទូតរុស្សីចុះមកពិនិត្យ ៕
ដោយ៖ ស ដារ៉ា
