ភ្នំពេញ​ ៖​ នៅព្រឹកថ្ងៃពុធ ៧រោច ខែមាឃ ឆ្នាំរកា នព្វស័ក ព.ស​២៥៦១ ត្រូវនឹងថ្ងៃទី៧ ខែកុម្ភៈ ឆ្នាំ២០១៨​ សម្តេចតេជោ ហ៊ុន សែន អញ្ជើញជួបសំណេះសំណាលជាមួយកូនក្មួយកម្មករជាង១ម៉ឺននាក់ នៅរោងចក្រតំបន់ទំនប់កប់ស្រូវ ខណ្ឌ​ពោធិ៍សែនជ័យ​។

សម្តេច​បានពោលថា​ គ្រប់ពេលដែលសម្តេច​ អញ្ជើញជួបកូនក្មួយកម្មករ គឺមានតែភាពរីករាយ ក្តីស្រឡាញ់ ស្នាមញញឹម និងក្តីសង្ឃឹម។

ពេលនេះបងប្អូនកូនក្មួយកម្មករបានឃើញនឹងយល់ច្បាស់អំពីការយកចិត្តទុកដាក់ដ៏ខ្ពង់ខ្ពស់បំផុតរបស់ សម្តេចតេជោ ដែលតែងតែគិតគូរចំពោះសុខទុក្ខ និងផលប្រយោជន៍កម្មករទាំងក្នុងនិងក្រៅប្រទេស។

អរគុណបងប្អូនជនរួមជាតិ និងបងប្អូនកូនក្មួយកម្មករ ដែលតែងតែគាំទ្រនឹងបោះឆ្នោតអោយ គណបក្សប្រជាជន ដើម្បីបន្តដឹកនាំអភិវឌ្ឍន៍ប្រទេសជាតិយើងអោយកាន់តែរីកចម្រើនរុងរឿងទៅមុខ៕