ទីក្រុងវ៉ាស៊ីនតោន៖ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានប្រាប់ ពីទីក្រុងវ៉ាស៊ីនតោនក្នុងដំណើរទៅចូលរួមកិច្ចប្រជុំ មហាសន្និបាតនៃសមាគមកីឡាអូឡាំពិកពិភពលោក ក្រោមព្រះអធិបតីភាព និងអធិបតីភាពរបស់ ព្រះអង្គម្ចាស់ Sheikh Al Fahad Al Sabah ប្រធាន សមាគមកីឡាអូឡាំពិកពិភព លោកនិងលោក Thomas Bach ប្រធានគណៈកម្មាធិការអូឡាំពិកអន្ដរជាតិ ហើយក៏មានការអញ្ជើញ ចូលរួមជាកិតិយស ដើម្បីថ្លែងសុន្ទរកថាស្វាគមន៍ពីលោកស្រី Muriel Bowser អភិបាលទីក្រុងវ៉ាស៊ីនតោនផងដែរ។
តាមសេចក្តីរាយការណ៍ របស់ លោក វ៉ាត់ ចំរើន អគ្គលេខាធិការ គណៈកម្មធិការជាតិអូឡាំពិកកម្ពុជា ជំហានដំបូងបានឲ្យដឹងថា ក្នុងមហាសន្និបាត នៃសមាគមកីឡាអូឡាំពិកពិភពលោកឆ្នាំ២០១៥ លើកទី ២០ នៅទីក្រុងវ៉ាស៊ិនតោន នៃសហរដ្ឋអាមេរិកកាលពីថ្ងៃទី២៩ ខែតុលាឆ្នាំ២០១៥កន្លងទៅ មានរបៀប វារៈសំខាន់ៗដូចជា ការជ្រើសរើសទីក្រុងចំនួន៥ ដើម្បីបោះឆ្នោតទទួលបានសិទ្ធិ រៀបចំ ការប្រកួត កីឡាអូឡាំពិករដូវក្តៅឆ្នាំ២០២៤ ។
ទីក្រុងទាំង៥នោះគឺទី១- ទីក្រុង Hamburg ប្រទេសអាល្លឺម៉ង់ ទី២-ទីក្រុងParis ប្រទេសបារាំង ទី៣- ទីក្រុងRome ប្រទេសអ៊ីតាលី ទី៤-ទីក្រុង Budapest ប្រទេសហុងគ្រី និងទី៥-ទីក្រុង Los Angeles របស់ សហរដ្ឋអាមេរិក។ ក្រៅពីរបៀបវារៈខាងលើនេះ សមាជិក គណៈកម្មាធិការនៃមាគមកីឡាអូឡាំពិក ពិភព លោក បានបោះឆ្នោតសម្រេច ដាក់បញ្ចូលប្រទេស ស៊ូដង់និងប្រទេសស្លូវ៉ាគី ជាសមាជិក ទី២០៥ និងទី ២០៦របស់មាគមកីឡាអូឡាំពិកពិភពលោកសម្រាប់ឆ្នាំ២០១៥នេះ។
លោកបានបន្តទៀតថា មហាសន្និបាត កម្រិតពិភពលោក វាជាឱកាសមួយដ៏ល្អ ដែលគណៈ កម្មាធិ ការជាតិអូឡាំពិកកម្ពុជា ទទួលបានបទពិសោធន៍ល្អៗជាច្រើន សម្រាប់ការ អភិវឌ្ឍវិស័យ កីឡា ក្នុងប្រទេសកម្ពុជា ។ ជាមួយគ្នានោះអង្គមហាសន្និបាត បានលើកយក ប្រធានបទសំខាន់ៗ មួយ ចំនួនពាក់ព័ន្ធនឹងការត្រៀមរៀបចំការប្រកួតកីឡាអូឡាំពិក ឆ្នាំ២០១៨ នៅទីក្រុង Rio ប្រទេស ប្រេស៊ីល និងស្វែងរកវិធីសាស្ដ្រផ្សេងៗ ដើម្បីអភិវឌ្ឍសមត្ថភាពនិងធនធានអត្តពលិក អាជីពនៅលើ ពិភព លោកផងដែរ ។
គួររំលឹកថា មហាសន្និបាតលើកទី២០ នៃសមាគមកីឡាអូឡាំពិកពិភពលោកនៅទីក្រុងវ៉ាស៊ីនតោន ចាប់ផ្តើម តាំងពីថ្ងៃទី២៦ ដល់ថ្ងៃទី៣១ ខែតុលាឆ្នាំ២០១៥នេះ ដោយមានការចូលរួមពី ប្រធាន អនុប្រធាន គណៈកម្មាធិការអន្តរ ជាតិអូឡាំពិកជុំវិញពិភពលោក ប្រមាណ ២០៦នាក់ និងសមាជិកតំណាង ទ្វីបនីមួយៗសរុបអ្នកចូលរួម ប្រមាណ១,១០០នាក់៕
ដោយ៖ សារីម
