បុរសជនជាតិចិនម្នាក់ឈ្លោះ ប្រកែកកាប់ចាក់គ្នា របួសធ្ងន់ ខេត្តព្រះ

ចែករំលែក៖

ខេត្តព្រះសីហនុ ៖ កាលពីម៉ោងជិត១១កន្លះយប់ថ្ងៃ១៥កុម្ភៈ២០១៨ បុរសជនជាតិចិនម្នាក់រងរបួសធ្ងន់លើដងខ្លួនដោយស្នាមកាំបិតយ៉ាងតិច៣កន្លែងដោយសារជនជាតិចិនដូចគ្នាកាប់ចាក់និងកាំបិតនៅម្តុំសណ្ឋាគារវិមានខ្សាច់ស ។

ក្រោយកើតហេតុជនរងគ្រោះត្រូវបានគេដឹកយកទៅសង្គ្រោះនៅគ្លីនិកឯកជន ប៉ុន្តែដោយរបួសធ្ងន់ពេកខាងពេទ្យឯកជនមិនហ៊ានទទួល ទើបគេនាំជនរងគ្រោះទៅកាន់មន្ទីរពេទ្យបង្អែកខេត្ត។

ប៉ូលីសមិនទាន់បង្ហាញអត្តសញ្ញាណជនរងគ្រោះនិងមូលហេតុនៃជម្លោះនោះនៅឡើយទេ។

សមត្ថកិច្ចកំពុងស្រាវជ្រាវអំពីរឿងហេតុនិងសាវតាអត្តសញ្ញាណជនរងគ្រោះនិងភាគីជម្លោះដើម្បីដោះស្រាយតាមផ្លូវច្បាប់៕ឆ្លាម សមុទ្រ