ទំនាក់ទំនងអាមេរិកវៀតណាមបិទទំព័រអតីតកាល បង្កើតទំនាក់ទំនងយ៉ាងប្រសើរបំផុត

ចែករំលែក៖

សារព័ត៌មាន​New York Times បានវាយតម្លៃពីទំនាក់ទំនងរវាងវៀតណាមនិងអាមេរិកកាន់តែ​ជិត​ស្និតយ៉ាងឆាប់រហ័សបំផុត​ធ្វើឲ្យ អ្នកឯកទេសផ្សះផ្សាបានប្រើប្រាស់ពាក្យថា​«ដ៏អស្ចារ្យ​»ដើម្បីពណ៌នានៅទំនាក់ទំនងប្រទេសទាំងពីរ។
​តាមមន្ត្រីអាមេរិកបានឲ្យដឹងថា​វៀតណាមកំពុងតែជម្រុញទីក្រុងវ៉ាស៊ីនតោនទទួល​ស្សល់ប្រទេសនៅតំបន់អាស៊ីភាគអាគ្នេយ៍ជាសេដ្ឋកិច្ចទីផ្សារ ហើយលុបចោលនៅច្បាប់ដាក់​ទណ្ឌកម្មលើបញ្ហសព្វាវុធ។ លោក ឡេវ៉ាំងគឿង​អតីតមន្ត្រីយោធាចូលនិវិត្ត​ន៍ធ្លាប់ធ្វើសង្គ្រាម​ប្រឆាំង​​អាមេរិកកាលពី​៥០ឆ្នាំមុន​បាននិយាយថា«រាល់ជម្រើសទាំងអស់វៀតណាម​បានជ្រើសរើសយកសន្តិភាព​ជា​មួយ​អាមេរិក»។
​វៀតណាមនិងអាមេរិកគឺជាប្រទេសស្ថិតនៅក្នុងចំណោមប្រទេសទាំង​១២ (គ្មានប្រ​ទេសចិន)កំពុងតែពិភាក្សាពីកិច្ចព្រមព្រៀងភាពជាដៃគូរ​ឆ្លងទ្វីប​TPP ។ ជនជាតិវៀត​ណាមបាន​មើលឃើញ​យ៉ាងច្បាស់ថា TPPជាវិធីសាស្ត្រ​ភ្ជាប់ទំនាក់ទំនងជាមួយអាមេរិកដោយផ្ទាល់។ ពលរដ្ឋវៀតណាមបានសហការជាមួយអាមេរិកនៅក្នុងការស្វែងរកសាកសពទាហានអាមេរិក​ដែលបានស្លាប់ឬបាត់ខ្លួននៅក្នុងសង្គ្រាមអាមេរិកវៀតណាម។ កាលពី​៣ឆ្នំាមុនអាមេរិកបាន​ចាប់ផ្តើមស្វែងយល់ពីឥទ្ធិពលនៃជាតិពុលពណ៌ទឹកក្រូច ដែលអាមេរិកបានធ្វើទៅលើប្រទេស​វៀតណាមក្នុងពេលសង្គ្រាម​ បើទោះបីពលរដ្ឋវៀតណាមមួយចំនួននៅតែថ្កោលទោសអាមេ​រិក​ថា មិនទាន់បានបំពេញកាតព្វកិច្ចរបស់ខ្លួនឲ្យបានល្អ។
​ចំនួនអ្នកវិនិយោគអាមេរិក អតីតះយុទ្ធជននិងអ្នកទេសចរណ៍ទៅកាន់ប្រទេសវៀត​ណាម​កាន់តែច្រើនឡើងពីមួយថ្ងៃទៅមួយថ្ងៃ។ ផ្ទុយទៅវិញចំនួននិស្សិតវៀតណាមទៅរៀន​នៅអាមេរិកក៏កាន់តែកើនឡើងផងដែរ ពី ៨០០នាក់​កាលពី​២០ឆ្នាំមុនឡើងដល់ ១៦ពាន់នាក់​នៅឆ្នាំ​២០១៤។ ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសវៀតណាម​លោក​Pham Binh Minh ក៏ធ្លាប់ទៅសិក្សានៅអាមរិកផងដែរ។
​លោក​David Clark អតីតះមន្ត្រីយោធានៃកម្លាំងទាហានជើងទឹកវាយឡើងគោករបស់​អាមេរិកបានផ្លាស់ទៅកាន់ទីក្រុងដាណាំងកាលពីឆ្នាំ​២០០៧ បង្ហាញពីភាពផ្ញាក់ផ្អើលយ៉ាង​ខ្លាំងពេលពលរដ្ឋវៀតណាមស្រឡាញ់ចូលចិត្តទឹកដីនិងពលរដ្ឋអាមេរិក។លោក Clark បន្តទៀតថា​ នៅពេលដែលដឹងថា​គាត់ជាអតីតយោធាអាមេរិកជនជាតិវៀតណាមមិនមាន​ការស្អប់ខ្ពើមថែមទាំងអញ្ជើញទៅញាំបាយជាផ្ញៀកិត្តិយសទៀតផង។
​អតីតះយោធាអាមរិកមួយរូបទៀតលោក​Larry Vetter ក៏បានបញ្ចាក់ផងដែរថា​ «មនុស្សគ្រប់​​រូបពិតជាមានការរាក់ទាក់ជិតស្និតណាស់ ។មនុស្សនៅក្រៅពិតជាពិបាកជឿថា​ជនជាតិវៀតណាមអាចទទួលស្វាគមន៍អតីតះយោធាអាមេរិកធ្លាប់ធ្វើសង្គ្រាមនៅវៀតណាមនោះឡើយ។លោកបន្តទៀតថា​ លោកជាមួយមិត្តភ័ក្រ្តម្នាក់ទៀតរស់នៅខេត្តដាណាំង​បាន​ផ្ទាល់​ប្រាក់ ៣០០ដុល្លារ ដល់បងប្អូន២នាក់ដែលទទួលឥទ្ធិពលផ្ទាល់ពីជាតិ​ពុលពណ៌​ទឹក​ក្រូច​។​
​លោក​Chuch Palazzo អតីតះយោធាអាមេរិកធ្លាប់ធ្វើសង្គ្រាមនៅវៀតណាម​បានផ្លាស់ទៅ​រស់នៅវៀតណាមកាលពី​៨ឆ្នាំមុន ហើយជាអ្នកគ្រប់គ្រង​ក្រុមហ៊ុនអេឡិចត្រូនិច​មួយ​នៅទីនោះ។ លោក ក៏ជាអ្នកឃោសនារកប្រាក់សម្រាប់សាងសង់ផ្ទះមនុស្សធម៌ជូនជន​រងគ្រោះដោយជាតិពុលពណ៌ទឹកក្រូច ជាង​៥ពាន់នាក់។ នៅថ្ងៃទី​២៥ខែកក្កដា លោក​Palazzo និងដឹកនាំការស្វែងរកមូលនិធិសម្រាប់គម្រោងខាងលើ។
​លោក​Palazzo បញ្ចាក់ថា «ខ្ញុំបានរៀនសូត្រពីជនជាតិវៀតណាមពីការលើកលែងទោស​ដើម្បីសម្លឹង​មើលទៅខាងមុខ»។លោកបានវាយតម្លៃថា​វៀតណាមនិងអាមេរិកមានចំ​ណុចជាច្រើនដូចគ្នា អាចជួយឲ្យប្រទេសទាំងពីរក្លាយជាសម្ព័ន្ធមិត្តដ៏រឹងមាំក្នុងថ្ងៃអនាគត។
​រដ្ឋលេខាធិការក្រសួងការបរទេសអាមេរិកលោក Antony J. Blinken បានបញ្ចាក់ថា:​ទំនាក់ទំនងអាមេរិកវៀតណាមមានការផ្លាស់ប្តូរគួរឲ្យគត់សម្គាល់ ហើយបង្ហាញយ៉ាង​ច្បាស់តាមរយៈដំណើរទស្សនកិច្ចរបស់ប្រមុខរដ្ឋ អគ្គលេខាបក្ស​ង្វៀងភូត្រុងទៅកាន់​សេតវិមាន​អាមេរិកកាលពីថ្ងៃទី​៧ខែកក្កដា​ឆ្នាំ​២០១៥។ដំណើរទស្សនកិច្ចនោះជាចំណុចសំ​ខាន់បំផុតក្នុងការបង្កើតចំណងមិត្តភាពឲ្យកាន់តែស្អិតល្មួតជាមួយអាមេរិក។
​តាមមន្ត្រីអាមេរិក​ ក្រោយរយពេល ២០ឆ្នាំនៃការតផ្ជាប់ទំនាក់ទំនងឲ្យកាន់តែប្រសើរ​ឡើងវិញ បញ្ហាសេដ្ឋកិច្ចនិងភូមិសាស្ត្រនយោបាយបានធ្វើឲ្យប្រទេសទាំងពីកាន់តែកៀកគ្នា ហើយមានបំណងចិញ្ចឹមទំនាក់ទំនងនោះឲ្យកាន់តែធំធាត់នាពេលអនាគត់​ ទាំងសម្ព័ន្ធមិត​យុទ្ធសាស្ត្រ​ផងដែរ។
​​ទំនាក់ទំនងអាមេរិកនិងវៀតណាមកើនឡើងចំពេលក្នុងពេលដែលប្រទេសទាំងពីរត្រូវការគ្នាជាចាំបាច់ អាមេរិកត្រូវការវៀតណាមជាសមាជិកអាស៊ាន និងជាភូមិសាស្ត្រដ៏សំខាន់​ក្នុងការទប់ស្កាត់អត្ថិពលយោធារបស់ចិននៅតំបន់សមុទ្រចិនភាគខាងត្បូងដែលអាចគម្រៀម​កំហែងដល់ដំណែងមហាអំណាចយោធាលើលោករបស់អាមេរិកបាន។ ចំពោះវៀតណាមវិញ​ក៏ត្រូវការអាមេរិកដូចគ្នាផងដែរ សម្រាប់ជាខ្នងបង្អែក​ក្នុងការប្រឆាំងចិនដែលចូល​គ្រប់គ្រង​ដែនសមុទ្រសេដ្ឋកិច្ចរបស់វៀតណាម។ កន្លងមកអាមេរិកបានបង្ហាញការការពារដល់ប្រទេស​វៀតណាមតាមរយស្នើរដល់ភាគីចិនត្រូវតែដកហូតស្ថាននីរុករកប្រេងខុសច្បាប់នៅដែនសមុទ្រវៀតណាម។
កាលពីដើមខែកក្កដាកន្លងមក លោក ប៊ីល គ្លីនតុន បានមកបំពេញទស្សនកិច្ចផ្លូវការ នៅក្នុង​ប្រទេសវៀតណាម នេះសរបញ្ជាក់ ឲ្យឃើញថា ជាការផ្សារភ្ជាប់នូវទំនាក់ទំនងការទូត រវាងប្រទេសទាំងពីរ ។នៅក្នុងកិច្ចសន្ទនាគ្នាមួយ រវាងលោក ត្រឿង តាន់ ស៊ាង ប្រធានាធិ​បតីវៀតណាម និងលោក ប៊ីល គ្លីនតុន លោក គ្លីតុន បានថ្លែងបញ្ជាក់ថា ការទំនាក់ទំនង រវាង សហរដ្ឋអាម៉េរិក និងវៀតណាម នៅតែបន្តគ្រប់វិស័យល្អជា​មួយគ្នាដដែល ។
លោកប្រធានាធិបតីវៀតណាម បានថ្លែងបញ្ជាក់ថា វៀតណាម បន្តខិតខំប្រឹងប្រែង ដើម្បីផ្សារ​ភ្ជាប់ទំនាក់ទំនងល្អជាមួយគ្នា បន្ទាប់ពីភ្លើងសង្គ្រាម រវាងប្រទេសទាំងពីបាន​ផុតរលត់ទៅ ដោយបែរជាការចងស្ពានមេត្រីនឹងគ្នា ក្នុងគោលបំណងរក្សាបានសុវត្ថិភាព រួមគ្នាធ្វើពាណិជ្ជ​កម្មវិញ ។នៅថ្ងៃដដែលនោះដែរ លោក គ្លីនតុន បានជួបសន្ទនាគ្នាជាមួយលោក ង្វៀង ភូ ទ្រង់ អគ្គលេខាធិការបក្សកុម្មុនីយស្តិ៍ វៀតណាម តាមអ្វីដែលបានសន្យា មកបំពេញ​ទស្សនកិច្ចនៅវៀតណាម របស់លោក គ្លីនតុន នៅក្នុងខែកក្កដា នេះ ។
លោកប៊ីលគ្លីនតុនជាប្រធានាធិបតីអាមេរិកបានបានបំពេញទស្សនកិច្ចទៅកាន់វៀតណាមតំបូងគេបង្អស់ក្រោយបញ្ចាបសង្គ្រាម ហើយលើកនេះជាលើកទី៥ហើយ នៃការបំពេញទស្សនកិច្ចផ្លូវការ មកកាន់ប្រទេសវៀតណាម របស់លោក ប៊ីល គ្លីនតុន គិតចាប់តាំងពីអំឡុងខែកក្កដា ឆ្នាំ១៩៩៥មក៕


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print