ភ្នំពេញ៖ ជនសង្ស័យចំនួន៥នាក់ដែលប្រើប្រាស់គ្រឿងញៀនត្រូវបានកំលាំងសមត្ថកិច្ចខណ្ឌសែនសុខឃាត់ខ្លួន ខណៈដែលពួកគេបាននាំគ្នាចូលទៅម្តុំមុខពេទ្យលោកសង្ឃដើម្បីទិញគ្រឿងញៀនប្រើប្រាស់ ។
ប្រតិបត្តិការនេះបានធ្វើឡើងកាលពីវេលាម៉ោង០៣និង២០នាទីរសៀល ថ្ងៃទី០២ ខែវិច្ឆិកា ឆ្នាំ២០១៥ នៅចំណុចភូមិត្រពាំឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
លោក សារឹម វុទ្ធី អធិការរងខណ្ឌសែនសុខបានអោយដឹងថា ដោយមានការបញ្ជាផ្ទាល់ពីលោក ម៉ក់ ហុង អធិការនគរបាលខណ្ឌសែនសុខបានអោយលោកដឹកនាំកំលាំងចុះធ្វើរដ្ឋបាលនៅចំណុចខាងលើអោយដូចជាភ្លៀងរលឹម ព្រោះថា កន្លែងនេះជាកន្លែងស្មុកស្មាញសំនូវអ្នកជួញដូរនិងអ្នកប្រើប្រាស់គ្រឿងញៀនទើបនៅថ្ងៃនេះ លោកបានដឹកនាំកម្លាំងផ្ទាល់ចុះធ្វើរដ្ឋបាលទើបឈានដល់ការឃាត់ខ្លួនបានជនសង្ស័យប្រើប្រាស់គ្រឿញៀនទាំង៥នាក់នេះរួម និងសំភារប្រើប្រាស់មួយចំនួនតែម្តង។
ជនសង្ស័យដែលជាត់ខ្លួននោះទី១ឈ្មោះ ចេង ឈាង ភេទប្រុស អាយុ២៤ឆ្នាំ មុខរបរធ្វើសំណង់ ស្នាក់នៅភូមិអង្គ សង្កាត់ប្រទេះឡាង ខណ្ឌដង្កោ ទី២ឈ្មោះ អាយ បញ្ញា ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមបាយាប សង្កាត់ភ្នំពេញថ្មី ខណ្ឌសែនសុខ មានស្រុកកំណើតភូមិ ឃុំ ឈើទាល ស្រុកមុខកំពូល ខេត្តកណ្តាល ទី៣ឈ្មោះ ឌី សុភាព ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះជួលសង្កាត់ព្រែកប្រា ខណ្ឌច្បារអំពៅ ទី៤ឈ្មោះសាក់ ដារ៉ា ភេទប្រុស អាយុ២៣ឆ្នាំ មុខរបររើសអេតចាយ ស្មាក់នៅមិនពិតប្រាកដ មានស្រុកកំណើតភូមិ ឃុំ ព្រៃផ្តៅ ស្រុកព្រៃកាបាស់ ខេត្តតាកែវ និងទី៥ឈ្មោះ ប៉ាវ វីរៈ ភេទប្រុស អាយុ២៣ឆ្នាំ ស្នាក់នៅផ្ទះជួលភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
បច្ចុប្បន្នជនសង្ស័យរួមនិងវត្ថុតាងកំពង់ឃាត់ខ្លួននៅអធិការនគរបាលខណ្ឌសែនសុខដើម្បីកសាងសំណុំរឿងបញ្ជួនទៅសាលាដំបូងរាជធានីភ្នំពេញចាត់ការបន្តតាមនិតិវិធី ៕
ដោយ៖ តុង សីហា
