ខេត្ដឧត្ដរមានជ័យ៖ រោងសិប្បកម្មកែ ច្នៃនិងលក់គ្រឿងសង្ហារិមរបស់មន្ដ្រីយោធាម្នាក់ឈ្មោះ សុខ មានតួនាទីជាអនុ ប្រធានការិយាល័យទី២នៃអង្គភាពកង ពលតូចលេខ៤១ ដែលមានទីតាំងស្ថិត នៅទីប្រជុំជនក្នុងភូមិអូរចិញ្ចៀន ឃុំ-ស្រុកអន្លង់វែង ត្រូវបានប្រជាពលរដ្ឋ ដែលរស់នៅជុំវិញទីនោះរអ៊ូរទាំថា បាន ធ្វើឱ្យរំខានដល់ការរស់នៅនិងបង្កការ ប៉ះពាល់ដល់សុខភាពរបស់ពួកគាត់ ។
ស្ដ្រីម្នាក់ដែលមានផ្ទះនៅជាប់នឹង របងរោងសិប្បកម្មបានលើកឡើងថា ដោយសារតែរូបគាត់ចាញ់ក្លិនថ្នាំលាប ឈើដែលបានជះក្លិនចូលមកក្នុងផ្ទះតែង តែធ្វើឱ្យគាត់ជួបអាការឈឺក្បាលវិលមុខជាញឹកញាប់ ហើយអាការរបស់គាត់កាន់ តែធ្ងន់ធ្ងរពីមួយថ្ងៃទៅមួយថ្ងៃជាលំដាប់ ។ រីឺឯលោកគ្រូអ្នកគ្រូនិងសិស្សតូចធំដែលបានរៀននៅសាលាភាសាអន្ដរជាតិ អាស៊ានបានលើកឡើងស្រដៀងគ្នានេះ ថាក្លិនថ្នាំដែលសាយភាយចូលមកក្នុងសាលារៀនម្ដងៗបានធ្វើឱ្យពួកគាត់ត្រូវនាំគ្នារត់ចេញទៅក្រៅសាលាព្រោះរៀននិងបង្រៀនមិនកើត ។
លោក សុខ ដែលជាមន្ដ្រីយោធា និងជាម្ចាស់រោងសិប្បកម្មបានបកស្រាយឱ្យក្រុមការងារយើងដឹងថា កន្លងមកគាត់ ក៏ដឹងដែរថា ទីតាំងសិប្បកម្មរបស់គាត់ ពិតជាមានផលប៉ះពាល់ ប៉ុន្ដែគាត់តែង តែធ្វើតាមសំណូមពរប្រជាពលរដ្ឋរហូត ៕
ដោយ៖ ប៉ែន នួន
