ប្រភពដដែលបន្តថា នៅមុនពេលកើតហេតុសាក្សីបានឃើញរថយន្តបង្កបើកចុះពីលើស្ពានព្រែកតាមាក់ ក្នុងទិសដៅពីលិចទៅកើត  ដោយបើកក្នុងល្បឿនលឿន ខណៈចុះមកដល់រង្វង់មូលអ្នកបើកបររថយន្តបានព្យាយាមជាន់ហ្រ្វាំងដែរ តែជាន់ហ្វ្រាំងមិនជាប់នោះទេ ដោយរថយន្តមានល្បឿនលឿនពេកនិងមានផ្ទុកផ្លែស្វាយជាច្រើនតោនផងនោះ ក៏ជ្រុលចង្កូតទៅបុកខឿនរង្វង់មូល បណ្ដាលឲ្យក្រឡាប់ផ្ងារជើងតែម្ដង ។ ក្នុងហេតុការណ៍ខាងលើនេះ គឺពុំបណ្ដាលឲ្យនរណាម្នាក់រងរបួសនោះទេ ។

ក្រោយពីមានហេតុការណ៍កើតឡើង សមត្ថកិច្ចជំនាញបានចុះធ្វើការអន្តរាគមន៍យករថយន្តបង្កទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធីច្បាប់ ៕