ខេត្ដបន្ទាយមានជ័យ៖ បុរសម្នាក់ ត្រូវរថយន្ដកិនស្លាប់ខណៈជិះម៉ូតូដួល កាលពីវេលាម៉ោង៨និង៣០នាទីយប់ ថ្ងៃទី៣ ខែវិច្ឆិកា ឆ្នាំ២០១៥ តាមបណ្ដោយ ផ្លូវជាតិលេខ៦ខាងលិចស្ពានអូរលៀប ស្ថិតនៅភូមិភ្នំលៀបកើត ឃុំភ្នំលៀប ស្រុកព្រះនេត្រព្រះ ខេត្ដបន្ទាយមានជ័យ ។
នគរបាលស្រុកព្រះនេត្រព្រះឱ្យដឹងថា ជនរងគ្រោះត្រូវរថយន្ដកិនស្លាប់ឈ្មោះ ហាយ ឆេន ភេទប្រុស អាយុ២២ឆ្នាំ មានទីលំនៅភូមិ-ឃុំទឹកជោរ ស្រុកព្រះ នេត្រព្រះ ខេត្ដបន្ទាយមានជ័យ។ ជនរង គ្រោះធ្វើដំណើរតាមម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ 1G-9545 ។ ចំណែក រថយន្ដបង្កកិនជនរងគ្រោះឱ្យស្លាប់បាន បើកគេចបាត់ក្រោយកើតហេតុ ។
តាមរបាយការណ៍នគរបាលឱ្យដឹងថា មុនពេលកើតហេតុជនរងគ្រោះបានជិះ ម៉ូតូក្នុងទិសដៅពីកើតទៅលិចពេលមក ដល់ចំណុចកើតហេតុស្រាប់តែដួលដោយ ខ្លួនឯង ។ ពេលនោះមានរថយន្ដមួយគ្រឿង មិនស្គាល់ម៉ាកបើកក្នុងទិសដៅស្របគ្នា កិនជនរងគ្រោះបណ្ដាលឱ្យស្លាប់ភ្លាមៗ មួយរំពេច ហើយក៏បើកគេចខ្លួនបាត់ តែម្ដង ។
សាកសពជនរងគ្រោះត្រូវបានសមត្ថ កិច្ចប្រគល់ឱ្យក្រុមគ្រួសាររីឯម៉ូតូជនរង គ្រោះសមត្ថកិច្ចបានយកទៅរក្សាទុកនៅអធិការដ្ឋាននគរបាលស្រុកព្រះនេត្រព្រះដើម្បីតាមចាប់រថយន្ដមកដោះស្រាយ តាមផ្លូវច្បាប់ ៕
ដោយ៖ វិច្ឆិកា
