ពិភពលោកធ្លាប់ឈរក្បែរមាត់រណ្ដៅសង្គ្រាមបរមាណូរវាងអាមេរិកនឹង សហភាពសូវៀតនៅពេលដែលណាតូ បានធ្វើសមយុទ្ធ ហើយចៃដន្យជម្រុញ ឱ្យមានភាពតានតឹងជាមួយសូវៀត ធ្វើឱ្យ សូវៀតបញ្ចេញកម្លាំងទាហាននិងអាវុធបរមាណូត្រៀមធ្វើសង្គ្រាម ។
កាលពីចុងសប្ដាហ៍កន្លងមក បណ្ណា ល័យសន្ដិសុខជាតិនៃសាកលវិទ្យាល័យ George Washington បានប្រកាស របាយការណ៍ចារកម្មអាមេរិកកាលពី ទសវត្សទី៩០ធ្វើឱ្យមនុស្សជាច្រើនព្រួយ បារម្ភយ៉ាងខ្លាំពីសង្គ្រាមអាមេរិក-រុស្ស៊ី ដែលអាចកើតឡើង ។ នៅក្នុងរបាយ ការណ៍នោះ អាមេរិក និងសូវៀត ផ្ទុះ សង្គ្រាមបរមាណូនឹងគ្នាដែលជាដំណាក់កាលគ្រោះថ្នាក់ដល់ពិភពលោកទាំងមូល ព្រួយបារម្ភ ។
នៅខែវិច្ឆិកា ឆ្នាំ១៩៨៣ អាមេរិក និងសម្ពន្ធមិត្ដណាតូបានធ្វើសមយុទ្ធជា ទ្រង់ទ្រាយធំបំផុតមិនធ្លាប់មាននៅភាគកណ្ដាលតំបន់អឺរ៉ុប ។ ការធ្វើសមយុទ្ធ នោះកើតឡើងចំពេលដែលអាមេរិកនិងសូវៀតកំពុងតែប្រឈមមុខតានតឹងដាក់គ្នា ។ មិនត្រឹមតែប៉ុណ្ណោះណាតូបាន បញ្ជូនគ្រាប់បែកបរមាណូទៅកាន់តំបន់ភាគខាងលិចប្រទេសអាល្លឺម៉ង់ ដែលសូ វៀតចាត់ទុកថា បានត្រៀមវាយប្រហារ ទៅលើប្រទេសគេ ។
នៅក្នុងឆ្នាំ១៩៨៣នោះដែរ សូវៀត រងការចោទប្រកានថា បានបាញ់ទម្លាក់ យន្ដហោះដឹកអ្នកដំណើររបស់កូរ៉េខាងត្បូង ដែលរុស្ស៊ីចាត់ទុកថា ជាយន្ដហោះស៊ើប ការណ៍ ។ ប្រធានាធិបតីអាមេរិកពេល នោះលោក Ronald Reagan បានថ្កោល ទោសសូវៀតថា ជារបបព្រៃផ្សៃ ។ ចំណែកភាគីសូវៀតវិញបានចោទប្រកាន់ ប្រធានាធិបតីអាមេរិក និងមន្ដ្រីអាមេរិក ថា ជាក្រុមឆ្កួតលេលា និងជាអ្នកទោស ។
ក្នុងស្ថានភាពតានតឹងខាងលើ ទីក្រុង មូស្គូបានយល់ច្រឡំថា ការធ្វើសមយុទ្ធ បាញ់គ្រាប់ពិតរបស់ណាតូជាការបិទបាំងគម្រោងវាយប្រហារទៅលើសូវៀតពី អាមេរិកដោយគ្រាប់បែកបរមាណូ ។ ទាំងនោះហើយទើបសូវៀតចេញបញ្ជាឱ្យកម្លាំងទាហានត្រៀមធ្វើសង្គ្រាមបរមា ណូក្នុងរយៈពេលខ្លីបំផុត ពី២០ម៉ោង នៅសល់តែ៣០នាទីប៉ុណ្ណោះ សង្គ្រាម វាយប្រហារដោយគ្រាប់បែកបរមាណូ នឹងកើតឡើង ។ កាំជ្រួចមីស៊ីលបំពាក់ ក្បាលគ្រាប់បរមាណូរបស់រុស្ស៊ីបានត្រៀម រួចរាល់នៅចាំតែពេលវេលា និងបញ្ជា ពីថ្នាក់លើប៉ុណ្ណោះ ។ ជាមួយគ្នានោះសូ វៀតបានកោះហៅកម្លាំងទាហានបម្រុង និងបញ្ជូនកម្លាំងទាហានជួរមុខទៅកាន់ តំបន់ជាប់អឺរ៉ុបខាងកើត ។
ចំណែកប្រទេសលោកខាងលិចវិញ បានត្រៀមលក្ខណទប់ទល់នៅតំបន់ភាគខាងកើត និងប្រទេសប៉ូឡូញ ដោយបញ្ជូន កម្លាំងទាហាន និងសព្វាវុធជាច្រើន នៅទីនោះទប់ទល់ជាមួយសូវៀត ។
បើប្រៀបធៀបនឹងពេលបច្ចុប្បន្នរុស្ស៊ី និងអាមេរិកកំពុងប្រឈមមុខតានតឹង ដាក់គ្នាអាចផ្ទុះសង្គ្រាមបរមាណូគ្រប់ ពេលវេលា ។ អ្វីដែលគេព្រួយបារម្ភនា ពេលនេះកម្លាំងទាហានអាកាសអាមេរិក និងរុស្ស៊ីបានបើកការវាយប្រហារនៅ ក្នុងប្រទេសស៊ីរីដូចគ្នា ប៉ុន្ដែគោលដៅ ខុសគ្នា រុស្ស៊ីជួយដល់រដ្ឋាភិបាលស៊ីរី ចំណែកអាមេរិកជួយដល់ក្រុមប្រឆាំង រដ្ឋាភិបាលស៊ីរី ។
សកម្មភាពផ្ទុយគ្នានៅលើដែនអាកាស តែមួយរវាងកម្លាំងរុស្ស៊ីនឹងអាមេរិក អាច បើធ្វេសប្រហែសបន្ដិចនោះ សង្គ្រាម នឹងកើតឡើងជាមិនខាន ។ សង្គ្រាមនៅ ក្នុងប្រទេសស៊ីរីមិនអាចឈានដល់ទីបញ្ចប់ នៅឡើយ ដោយសារតែប្រទេសមហា អំណាចខ្វែងគំនិតគ្នាក្នុងការដោះស្រាយ ពិសេសជោគវាសនារបស់ប្រធានាធិបតី អាល់អាសាដ ដែលជាមេដឹកនាំក្បាលរឹង ។
ពេលនេះអាមេរិកបញ្ជូនកម្លាំងពិ សេសផ្ទាល់ដីទៅដាក់ពង្រាយនៅប្រទេស ស៊ីរីដើម្បីជួយក្នុងបេសកកម្មប្រឆាំង ក្រុមភេរវកម្មរដ្ឋអ្ស៊ិ្លាម(IS) ខណៈ ដែលមហាអំណាចនៅតែខ្វែងគំនិតគ្នា មិនទាន់ដាច់ស្រឡះទៅលើជោគវាសនារបស់ប្រធានាធិបតីស៊ីរីលោក បាសា អាល់អាសាដ ។
ការសម្រេចចិត្ដបញ្ជូនកងទ័ពពិសេស ក្នុងទ្រង់ទ្រាយតូចរបស់អាមេរិក នៅ ពេលនេះជាការបង្ហាញឱ្យឃើញបន្ថែម ទៀតចំពោះកិច្ចខិតខំប្រឹងប្រែងរបស់ ទីក្រុងវ៉ាស៊ីនតោននៅក្នុងការប្រយុទ្ធ ប្រឆាំងទៅលើក្រុមអ៊ិរស្លាមបង្កើតរដ្ឋដែល ក្រុមនេះបាននិងកំពុងគ្រប់គ្រងដែនដី ភាគច្រើនរបស់ស៊ីរីហើយ បើទោះបីថា អាមេរិកបានធ្វើប្រតិបត្ដិការតាមដែន អាកាសនៅទីនោះរយៈពេលជាងមួយឆ្នាំទៅហើយយ៉ាងណាក៏ដោយ ។
សេតវិមានបានច្រានចោលរាល់ការ ចោទប្រកាន់ដែលថា លោកប្រធានាធិប តីអាមេរិក បារ៉ាក់ អូបាម៉ា ព្រងើយកន្ដើយ ចំពោះសកម្មភាពកងកម្លាំងទ័ពដែល ប្រយុទ្ធប្រឆាំងជាមួយក្រុមអ៊ិ់ស្លាមបង្កើត រដ្ឋ នោះហើយការបញ្ជូនកងកម្លាំងទាំង នេះដើម្បីសកម្មភាពផ្ដល់ប្រឹក្សា និង ហ្វឹកហ្វឺន ។ អ្នកនាំពាក្យសេតវិមាន Josh Earnest បានថ្លែងថា នយោបាយ របស់យើងមិនមានការផ្លាស់ប្ដូរនោះ ឡើយ ។ កងកម្លាំងទាំងនេះមិនចូលរួម ប្រយុទ្ធដោយផ្ទាល់នោះទេ ។
មន្ដ្រីជាន់ខ្ពស់មួយរូបបានថ្លែងថា កង កម្លាំងពិសេសអាមេរិកមិនលើសពី៥០នាក់នោះទេត្រូវបញ្ជូនទៅកាន់ភាគខាង ជើងប្រទេសស៊ីរីដែលទីនោះជាទឹកដីស្ថិតក្រោមការគ្រប់គ្រងរបស់កងកម្លាំងជនជាតិឃើដជាក្រុមដែលអាមេរិកឧបត្ថម្ភគាំទ្រក្នុងសកម្មភាពប្រយុទ្ធប្រឆាំងជា មួយក្រុមភេរវកម្មអ្ស៊ិ្លាម(IS) នោះ ។
អ្វីដែលជាការព្រួយបារម្ភនាពេលនេះគឺក្រុមភេរវកម្មអាចរួបរួមគ្នាបង្កើតទៅ ជាកម្លាំងមួយដ៏រឹងមាំ វាយប្រហារទៅលើ ប្រទេសរុស្ស៊ី ប្រសិនបើក្រុមអ្ស៊ិ្លាម បង្កើតរដ្ឋគឺជាកម្លាំងសម្ងាត់របស់ អាមេរិកមែននោះ ហើយក្រុមអាល់កៃ ដានិងអ៊ិិស្លាមបង្កើតរដ្ឋរួបរួមគ្នា នោះ រុស្ស៊ីប្រាកដជានៅមិនបានសុខឡើយ ។
កន្លងមកថ្មីៗមេដឹកនាំក្រុមភេរវកម្ម អាល់កៃដា លោក Ayman Al-zawahiri កាលពីថ្ងៃទី២ ខែវិច្ឆិកា បានអំពាវនាវ ដល់អ្នកដែលគាំទ្រនិងកម្លាំងទាហាន អ៊ិAស្លាមទាំងអស់សាមគ្គីគ្នាប្រឆាំងនឹង ការគំរាមកំហែងពីប្រទេសលោកខាង លិចក្នុងនោះ មានអាមេរិក និងរុស្ស៊ីនៅ ក្នុងប្រទេសស៊ីរីនិងអ៊ីរ៉ាក់ ។
ខ្សែអាត់សំឡេងរបស់មេដឹកនាំក្រុមអាល់កៃដាបញ្ជាក់ថា ការសាមគ្គីរវាង កម្លាំងទាំង២អាល់កៃដានឹងISអាចជួយ ឱ្យបានជោគជ័យក្នុងការប្រឆាំងនឹងលោក ខាងលិច ។
លោក Ayman Al-zawahiri អំពាវ នាវដល់អ្នកគាំទ្រខ្លួនថា “អាមេរិក-រុស្ស៊ី អ៊ីរ៉ង់។ល។ កំពុងតែសហការគ្នាប្រឆាំង នឹងយើង ដូច្នេះយើងចាំបាច់ត្រូវតែរួប រួមគ្នាប្រឆាំងពួកគេវិញ” ។
នៅពេលនេះគេមិនទាន់ដឹងថា ខ្សែ អាត់សំឡេងខាងលើថតនៅពេលណានោះ ទេ ប៉ុន្ដែខ្សែអាត់ខាងលើបាននិយាយពី ការវាយប្រហារតាមដែនអាកាសរបស់រុស្ស៊ីទៅលើក្រុមISនៅក្នុងប្រទេសស៊ីរី ៕
ប្រែសម្រួល៖ ម៉ែវ សាធី
