ភ្នំពេញ៖ បុរសម្នាក់បានរងរបួស ខណៈរួបគាត់បានជិះម៉ូតូសេ១២៥មួយគឿងធ្វើដំណើរតាមដងផ្លូវត្រូវបានយុវជនម្នាក់ និងនារីម្នាក់ទៀតរួមដំណើរជាមួយបើករថយន្តកាមរីបាឡែនទាំងស្រវឹងជ្រុលបុកពីក្រោយពេញទំហឹង ។
ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ ថ្ងៃទី៤ ខែវិច្ឆិកា ឆ្នាំ២០១៥ នៅតាមបណ្តោយផ្លូវលេខ១៣៩ កែងផ្លូវកម្ពុជាក្រោម ស្តិតក្នុងសង្កាត់មិត្តភាព ខណ្ឌ៧មករា រាជធានីភ្នំពែញ ។
តាមសាក្សីនៅកន្លែងកើតហេតុបានឲ្យដងថា នៅមុនពេលកើតហេតុ គេបានឃើញបុរសម្នាក់ជិះម៉ូតូម៉ាកឌ្រឹមសង សេរីឆ្នាំ២០០៨ពណ៍ ខ្មៅពាក់ស្លាកលេខ ភ្នំពេញ 1BF 5959 ធ្វើដំណើរតាមបណ្តោយផ្លូវកម្ពុជាក្រោម ក្នុងទិសដៅពីលិចទៅកើត ខណៈមកដល់ចំណុចកើតហេតុ ស្រាប់តែមានរថយន្តកាមរីបាឡែន មួយគ្រឿង ពណ៍ទឹកប្រាក់ គ្មានស្លាកលេខ បើកបរដោយបុរសម្នាក់ និងនារីម្នាក់ទៀតរួមដំណើរជាមួយ ធ្វើដំណើរស្របទិសគ្នាក្នុងល្បឿនលឿន ក៏ជ្រុលបុកពីក្រោយពេញទំហឹង បណ្តាលឲ្យអ្នកជិះម៉ូតូដួលទៅនឹងថ្នល់រងរបួសបែកមុខបែកមាត់ វង្វេងស្មារតី ចំណែកម៉ូតូ និងរថយន្តខូចខាតទាំងសងខាង។
ក្រោយពេលកើតហេតុ សមត្តកិច្ចបានចុះមកដល់ចំណុចកើតហេតុ និងសម្របសម្រួលដោយភាគីខាងរថយន្តបង្កព្រមចេញថ្លៃខូចខាតទៅលើជនរងគ្រោះដើម្បីបញ្ចប់រឿងនៅកន្លែងកើតហេតុ ៕
ដោយ៖ ស រស្មី
