ភ្នំពេញ៖ រថយន្ត៣គ្រឿងដែលម្ចាស់ចតស្ងៀមនៅខាងមុខ វត្តភ្នំ ម៉ាស្សាបុរាណខ្មែរចូលទៅម៉ាស្សា បានរងការខូចខាតខណៈដែលរថយន្តកាមរីបាឡែនមួយគ្រឿង បើកបរដោយប្រុសម្នាក់ស្រវឹងស្រាជោកជោំ បានបើកយ៉ាងលឿនត្រង់ចំណុចផ្លូវកែងរង្វង់មូលវត្តភ្នំក៏ជ្រុលទៅបុករះតែម្តង ប៉ុន្តែសំណាងល្អមិនមានអ្នកងរបួស ។
ហេតុការណ៍នេះ បានកេីតឡេីងកាលពីវេលាម៉ោង៤ទៀបភ្លឺ ថ្ងៃទី៥ ខែវិច្ឆិកា ឆ្នាំ២០១៥ តាមផ្លូវលេខផ្លូវលេខ៩៤ ក្នុងសង្កាត់ស្រះចក ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តបង្កម៉ាកកាមរីបាឡែន ពណ៌ទឹកប្រាក់ បើកបរដោយបុរសម្នាក់ ប្រហែលទើបចេញពីផឹកបានបើកយ៉ាងលឿនតាមផ្លូវព្រះនរោត្តម ពីត្បូងទៅជើង មកដល់រង្វង់មូលវត្តភ្នំ បានបើកកែលរង្វង់មូល ក៏ជ្រុលបុករថយន្ត៣គ្រឿង ដែលចតនៅខាងមុខហាងវត្តភ្នំម៉ាស្សាបុរាណខ្មែរ ដោយបុករថយន្តកាមរីបាឡែន ពណ៌ស រុញទៅបុកកាមរីបាឡែនពណ៌ស មួយគ្រឿងទៀត ហើយរុញទៅបុករថយន្តម៉ាស្តារ ពណ៌ស ទើបរថយន្តបង្កអស់ល្បឿនឈប់ ។
ប្រភពព័ត៌មានបានបន្តទៀតថា គ្រោះថ្នាក់ចរាចរណ៍នេះ មិនបណ្ដាលឲ្យមានអ្នករងរបួសនោះទេ ដោយគ្រាន់តែធ្វើឲ្យខូចខាតរថយន្ត សរុបទាំងអស់ចំនួន៤គ្រឿងទាំងរថយន្តបង្ក ។
ប្រភពព័ត៌មានបានបន្តទៀតថា ក្នុងហេតុការណ៍នោះអ្នកបើករថយន្តគ្រោះថ្នាក់ បានព្យាយាមយកក្រណាត់មកបិតបាំងស្លាកលេខរថយន្តរបស់គេពីព្រោះខ្លាច អ្នកយកព័ត៌មានថតផ្សាយខ្មាសគេ ។
ក្រោយកើតហេតុនគរបាលមូលដ្ឋាន បានសហការជាមួយកម្លាំងជំនាញចុះមកធ្វេីការវាស់វែងរួចយករថយន្តបង្កនិងរថយន្តរងគ្រោះទៅរក្សាទុកនៅ ការិយាល័យនគរបាល ចរាចរណ៍ ផ្លូវ គោករាជធានីភ្នំពេញដើម្បីដោះស្រាយតាមច្បាប់ ៕
...
ដោយ៖ ស ដារ៉ា
