ភ្នំពេញ៖ ដើម្បីឱ្យការអភិវឌ្ឍវិស័យ កីឡាបាល់ទាត់នៅកម្ពុជាទទួលបានការគាំទ្រច្រើនពីទស្សនិកជនចាំបាច់ត្រូវមាន ការចូលរួមដោយមិនអាចខ្វះបានពីវិស័យ ឯកជននានាតាមរយៈការឧបត្ថម្ភនៅក្នុង ព្រឹត្ដិការណ៍ប្រកួតកីឡាបាល់ទាត់ដែល រៀបចំដោយសហព័ន្ធកីឡាបាល់ទាត់ កម្ពុជាទាំងថ្នាក់ជាតិ និងថ្នាក់ទ្វីប ។
លោក ខៀវ សាម៉េត អនុប្រធាន សហព័ន្ធកីឡាបាល់ទាត់កម្ពុជាបានថ្លែង នៅក្នុងសន្និសីទសារព័ត៌មានស្ដីពីការ ចាប់ដៃគូរវាងសហព័ន្ធបាល់ទាត់ នឹង ក្រុមហ៊ុនយ៉ាន់ម៉ារបស់ជប៉ុនឧបត្ថម្ភដល់ ក្រុមជម្រើសជាតិជាផ្លូវការសម្រាប់ ឆ្នាំ២០១៥-២០១៦នៅទីស្នាក់ការ NOCC កាលពីរសៀលថ្ងៃទី៤ ខែវិច្ឆិកា ឆ្នាំ ២០១៥កន្លងទៅថា ការអភិវឌ្ឍន៍វិស័យ កីឡាបាល់ទាត់ចាំបាច់ត្រូវមានការចូល រួមពីវិស័យឯកជនទើបអាចធ្វើឱ្យវិស័យ កីឡាបាល់ទាត់កម្ពុជារីកចម្រើន និងទទួល បានការគាំទ្រពីសំណាក់ទស្សនិកជនក៏ដូច ជាប្រជាពលរដ្ឋកម្ពុជាដែរ ។
លោកបានបន្ដទៀតថា វិស័យឯកជន គឺជាដៃគូមិនអាចខ្វះបាន ប៉ុន្ដែទន្ទឹមនឹង ការឧបត្ថម្ភតាមរយៈពាណិជ្ជកម្មផ្សេងៗ នៅក្នុងកម្មវិធីប្រកួតថ្នាក់ជាតិក៏ដូចជា ថ្នាក់តំបន់វិស័យឯកជនទទួលបានផល ប្រយោជន៍ពីវិស័យកីឡាបាល់ទាត់ពាស ពេញផ្ទៃប្រទេស ហើយផលិតផលដែល វិស័យឯកជនផ្សាយពាណិជ្ជកម្មជាមួយ សហព័ន្ធបាល់ទាត់មានវិសាលភាពទូលំ ទូលាយពាសពេញពិភពលោក ។
ទន្ទឹមនឹងការលើកឡើងរបស់លោក ខៀវ សាម៉េត អនុប្រធានសហព័ន្ធកីឡា បាល់ទាត់កម្ពុជាខាងលើនេះដែរ លោក កូហ្ស៊ូ តាស៊ីម៉ា អនុប្រធានសហព័ន្ធកីឡា បាល់ទាត់ជប៉ុន និងជាសមាជិកគណៈ កម្មាធិការប្រតិបត្ដិរបស់សហព័ន្ធកីឡា បាល់ទាត់ពិភពលោក (FIFA) មាន ប្រសាសន៍កត់សម្គាល់ជុំវិញការរីក ចម្រើនវិស័យកីឡាបាល់ទាត់នៅកម្ពុជា យ៉ាងដូច្នេះថា បច្ចុប្បន្នកីឡាករជម្រើស ជាតិកម្ពុជាពិតជាមានការរីកចម្រើនគួរ ឱ្យកត់សម្គាល់។ ទន្ទឹមនឹងការរីកចម្រើន ខាងលើនេះបាននាំឱ្យក្រុមកីឡាបាល់ទាត់ ជម្រើសជាតិកម្ពុជាហក់ចូលមួយជំហាន ទៀតក្នុងព្រឹត្ដិការណ៍ប្រកួតកីឡាបាល់ទាត់ វគ្គជម្រុះជុំទី២ប្រចាំតំបន់អាស៊ីផងដែរ។
លោក កូហ្ស៊ូ តាស៊ីម៉ា មានសង្ឃឹម ថា នៅថ្ងៃទី១៧ ខែវិច្ឆិកា ឆ្នាំ២០១៥ ខាងមុខ គឺជាជំនួបប្រកួតរវាងក្រុមជម្រើស ជាតិកម្ពុជានឹងក្រុមជម្រើសជាតិជប៉ុន។ កាលនៅទីក្រុងតូក្យូដែលជប៉ុនធ្វើជា ម្ចាស់ផ្ទះមានអ្នកគាំទ្រចូលប្រមាណជាង ៣ម៉ឺននាក់ ប៉ុន្ដែនៅពេលកម្ពុជាធ្វើជា ម្ចាស់ផ្ទះ “ខ្ញុំសង្ឃឹមថានឹងមានអ្នកគាំ ទ្រចូលទស្សនាប្រមាណជាង៥ម៉ឺននាក់” ដូច្នេះការគាំទ្ររបស់ទស្សនិកជន គឺជា ការចូលរួមអភិវឌ្ឍន៍កីឡាបាល់ទាត់នៅកម្ពុជាតាមរយៈការទិញសំបុត្រ ហេតុ ដូច្នេះវិស័យឯកជនពិតជាទទួលបានលទ្ធផលល្អសម្រាប់ចាប់ដៃគូផ្សាយពាណិជ្ជកម្មជាមួយសហព័ន្ធកីឡាបាល់ទាត់ កម្ពុជាពីព្រោះផលិតផលរបស់អស់ លោកអ្នកអាចនឹងទៅដល់គ្រប់ទីកន្លែង នៅលើពិភពលោក ។
នៅក្នុងសន្និសីទ សារព័ត៌មានខាងលើនេះលោក ខេន អារ៉ាគី នាយកប្រតិបត្ដិរបស់ក្រុមហ៊ុន យ៉ាន់ម៉ាបានប្រគល់ថវិកាចំនួន៥ម៉ឺន ដុល្លារទៅ*លោក ខៀវ សាម៉េត សម្រាប់ ការឧបត្ថម្ភ ក្រុមជម្រើសជាតិដែលចូល រួមប្រកួតវគ្គជម្រុះ FIFA World Cup រុស្ស៊ី២០១៨៕
ដោយ៖ សារីម
