ខេត្តសៀមរាប៖ សមត្ថកិច្ចចម្រុះបានសម្រេចបិទទីតាំងស្ដុកទុកទីតាំងស្ដុកទំនិញមួយកន្លែងជាបណ្ដោះអាសន្ន ដើម្បីដោះស្រាយតាមនិតិវិធីច្បាប់ បន្ទាប់ពីឈ្មួញនាំចូលទំនិញនោះពីប្រទេសថៃ តាមច្រកទ្ធារអន្តរជាតិប៉ោយប៉ែតគ្មានច្បាប់។
កម្លាំងចម្រុះរួមមាន កងរាអាវុធហត្ថខេត្តមន្ត្រីសាខាគយ ដែលដឹកនាំបញ្ជាផ្ទាល់ដោយលោក ជួន សុបញ្ញា ព្រះរាជអាជ្ញារងអមសាលាដំបូងខេត្តបានចុះប្រតិបតិ្តការឆែកឆេរទីតាំងស្តុបទំនិញគេចពន្ធនោះ ស្ថិតនៅមុខអតីតសាលាខេត្តចាស់ ក្នុងភូមិមណ្ឌល២ សង្កាត់សា្វយដង្គំ ក្រុងសៀមរាប ។
ប្រតិបត្តិការបង្ក្រាបទីតាំងទំនិញគេចពន្ធមួយកន្លែងនេះ ធ្វើឱ្យមានការភ្ញាក់ផ្អើលក្នុងក្រុងសៀមរាបតាំងពីល្ងាចរហូតដល់យប់ថ្ងៃទី០៤ខែវិច្ឆិការឆ្នាំ២០១៥ តាមប្រភពពីមន្ត្រីគយបានដឹងនៅរសៀលថ្ងៃទី០៥ខែវិច្ឆិការនេះថា ការឆែកឆេរទំនិញគេចពន្ធមួយកន្លែងនេះ ដោយមានការសហការបានល្អ ពីកម្លាំងកងរាជអាវុធហត្ថខេត្ត និងសុំយោបល់ពីតំណាងអយ្យការខេត្ត ឆែកឆេរ រកឃើញទំនិញគេចពន្ធនេះ។លោកបានបន្ដថាទំនិញចម្រុះចំនួន២០មុខស្មើនឹង២៩៨០មុខ ដែលមានម្ចាស់ទីតាំងមានឈ្មោះ មួ ជូរ ភេទប្រុសអាយុ៥៦ឆ្នាំ មានស្រុកកំណើត នៅទីរួមខេត្តកំពង់ចាម បច្ចុប្បន្នសា្នក់នៅភូមិមណ្ឌល២ សង្កាត់ស្វាយដង្គំ ក្រុងសៀមរាប។សមត្ថកិច្ចបានកងរាជអាវុធហត្ថខេត្ត បានឃាត់ខ្លួនជនសង្ស័យបណ្តោះអសន្ននៅនឹងកន្លែងតាមបញ្ជារបស់ថ្នាក់លើ។
ប្រភពពីមន្ត្រីកងរាជអាវុធហត្ថខេត្តបានប្រាប់ឲ្យដឹងនៅថ្ងៃទី០៥ ខែវិច្ឆិកា ថា ក្រោយពីបានធ្វើការឆែកឆេរទីតាំងខាងលើអស់មួយយប់រួមមក ត្រូវបានថ្នាក់លើឱ្យកម្លាំងដេកយាមការពារទីតាំងនិងម្ចាស់ទីតាំងជាមួយនិងមន្ត្រីគយ អស់មួយយប់ទើបថ្នាក់លើចាត់ការបន្ត។ចំពោះទំនិញគេចពន្ធទាំង២៨៩០មុខ ត្រូវបានខាងមន្ត្រីសាខាគយនិងរដ្ឋាករខេត្តសៀមរាប យកទៅទុកនៅកន្លែងទីស្នាក់ការគយ ដើម្បីឲ្យម្ចាស់ត្រូវធ្វើការពិន័យទៅតាមច្បាប់គយ ។
ចំណែកម្ចាស់ទីតាំងបានប្រាប់ថា ទំនិញទាំងអស់នេះខ្ញុំបានទិញមកពីថៃ តាមច្រកទ្ធារអន្តរជាតិប៉ោយប៉ែត និងបានបង់ឱ្យមន្ត្រីគយនៅតាមច្រករួចរាល់ អស់ហើយ ថែមទាំងគយនោះបានចេញបង្កាន់ដៃឱ្យមកខ្ញុំវិញ ដោយមិនបានបិតតែមឱ្យខ្ញុំទាល់តែសោះ ទើបមកដល់ខេត្តសៀមរាប ឃើញមន្ត្រីគយចុះមកធ្វើការបិទទីតាំងរបស់ខ្ញុំ ហើយយកឥវ៉ាន់ទាំងនោះទៅទុកនៅស្នាក់ការសាខាគយទឹកវិលទៀត ដោយចោទប្រកាន់ថា ទំនិញគេចពន្ធទៅវិញ ដែលហៅថានេះជាភាពអយុត្តិធម៌៕
ដោយ៖ ជានិន្ដរ៍
