ភ្នំពេញ៖ ទឹកប្រាក់ចំនួន៥ពាន់ដុល្លារ អាមេរិកដែលជាអំណោយសប្បុរសធម៌ របស់លោកស្រីឧត្ដមសេនីយ៍ទោឧកញ៉ា លឹម ម៉ារីណា នាយករងនាយកដ្ឋានព័ត៌ មាននៃអគ្គនាយកដ្ឋានយោធសេវាក្រសួង ការពារជាតិ និងលោកឧកញ៉ា ហូ ចំរើន ប្រធានក្រុមហ៊ុនសាមគ្គីអភិវឌ្ឍន៍បាន បរិច្ចាគធនធានផ្ទាល់ខ្លួនជួយដល់មន្ទីរ ពេទ្យគន្ធបុប្ពាកាលពីរសៀលថ្ងៃទី៤ ខែ វិច្ឆិកា ឆ្នាំ២០១៥ ដើម្បីសង្គ្រោះកុមារ កម្ពុជាដោយមិនគិតកម្រៃមកពី២៥ រាជធានី-ខេត្ដ ដែលពិនិត្យព្យាបាលកុមារ ក្នុងមួយថ្ងៃៗរហូតដល់ជាង១ពាន់នាក់ ។
នេះជាកាយវិការមនុស្សធម៌ពិតៗ របស់ពលរដ្ឋកម្ពុជាជាបន្ដបន្ទាប់ដែល បានបរិច្ចាគធនធានរបស់ខ្លួនជួយទ្រទ្រង់ ចំពោះវិស័យសុខាភិបាលដែលមាន សប្បុរសជនជាជនជាតិបរទេស និងជា នាយកមន្ទីរពេទ្យ ។
លោកវេជ្ជបណ្ឌិត Denis Laurent អនុប្រធានមូលនិធិមន្ទីរពេទ្យគន្ធបុប្ពា បានថ្លែងអំណរគុណចំពោះសប្បុរសជន ដែលបានចូលរួមចំណែកផ្ដល់នូវធនធាន របស់ខ្លួនជួយទ្រទ្រង់មន្ទីរពេទ្យក្នុងការ ព្យាបាលជំងឺកុមារកម្ពុជាក្នុងរយៈពេល ជាង២៣ឆ្នាំកន្លងទៅនេះ ។ ជំនួយមនុស្ស ធម៌នាពេលនេះគឺជាការជួយសង្គ្រោះ ដល់ជីវិតមនុស្ស ពិសេសកុមារដែល ជួបការលំបាកក្នុងជីវភាពប្រចាំថ្ងៃដែល មន្ទីរពេទ្យយើងខ្ញុំជួបបញ្ហាថវិកាសម្រាប់ ចំណាយគិតជាទឹកប្រាក់ច្រើនលានដុល្លារ ក្នុងមួយឆ្នាំៗ ។ ប៉ុន្ដែដោយទឹកចិត្ដ មនុស្សធម៌របស់បងប្អូនប្រជាពលរដ្ឋ ទូទៅបានបរិច្ចាគធនធានទោះតិចក្ដី ច្រើនក្ដី យើងខ្ញុំទទួលដោយក្ដីរីករាយ ដើម្បីជួយសង្គ្រោះដល់កុមារទាំងអស់ ដែលលោកស្រីអស់លោកឃើញនៅ ទីនោះជាសក្ខីភាពស្រាប់ ។
លោកស្រីឧត្ដមសេនីយ៍ទោឧកញ៉ា លឹម ម៉ារីណា ជំនួសមុខឱ្យសប្បុរសជន ព្រមទាំងសហការីទាំងអស់បានសម្ដែង សមានចិត្ដរំភើបរីករាយឥតឧបមា ចំពោះទឹកចិត្ដ កាយវិការរបស់អស់ លោក លោកស្រីវេជ្ជបណ្ឌិត គ្រូពេទ្យក្នុង រយៈពេលកន្លងមកបានខិតខំបំពេញភារ កិច្ចគួរឱ្យគោរពកោតសរសើរក្រៃលែង ។ លោកស្រី លឹម ម៉ារីណា បានសន្យាថា នឹងកៀរគរមិត្ដភក្ដិក៏ដូចជាសប្បុរសជន ដទៃទៀតចូលរួមជាធនធានជួយដល់ មន្ទីរពេទ្យគន្ធបុប្ពានាពេលក្រោយៗទៀត តាមលទ្ធភាពដែលអាចធ្វើបាន ។
ក្នុងឱកាសនោះដែរលោកស្រី និង សហការីបានឧបត្ថម្ភថវិកាជូនដល់កុមារ ដែលកំពុងសម្រាកព្យាបាលក្នុងមន្ទីរ ពេទ្យដោយទឹកមុខរីករាយ ៕
ដោយ៖ សុខដុម
