ភ្នំពេញ៖ លោក អ៊ូច ភា ត្រូវបានតែងតាំងជាអភិបាលខេត្តតាកែវ ជំនួសលោក ឡាយ វណ្ណៈ ត្រូវបានដកចេញពីតំណែង។នេះបើយោងតាមព្រះរាជក្រឹត្យរបស់ ព្រះមហាក្សត្រនៃកម្ពុជា ដែលចុះហត្ថលេខាដោយប្រមុខរដ្ឋស្តីទី នៅថ្ងៃទី២៦ ខែមីនា ឆ្នាំ២០១៨ ដែលសារព័ត៍មាន ទើបទទួលបានមុននេះបន្តិច។

ព្រះរាជក្រឹត្យនេះ បានបញ្ជាក់យ៉ាងដូច្នេះ៖ មាត្រា១៖ ផ្ទេរភារកិច្ចលោក ឡាយ វណ្ណៈ ឋានន្តរស័ក្តិឧត្តមមន្រ្តីថ្នាក់ទី៤ ពីអភិបាល នៃគណៈអភិបាលខេត្តតាកែវ ឱ្យមកបម្រើការងារ នៅទីស្តីការក្រសួងមហាផ្ទៃ។

មាត្រា២៖ តែងតាំង លោក អ៊ូច គា ឋានន្តរស័ក្តិឧត្តមមន្រ្តី ថ្នាក់លេខ៦ អភិបាល នៃគណៈអភិបាលខេត្តតាកែវ៕

ដោយ៖ សិលា